Tramp Talibanmen kelisimdi toqtattı. Foto: VOA.

AQŞ Talibanmen kelissözderdi toqtattı. AQŞ prezidentiniñ bwnday şeşimine tälipterdiñ lañkestik şabuıldarın toqtatpau äreketi sebep boldı dep körsetti AQŞ memlekettik hatşısı jeksenbi küni jasağan mälimdemesinde.

«Biz olardıñ uädelerin orınday alatınına közimizdi jetkizuimiz kerek», – degen Mayk Polmpe CNN-ge bergen swhbatında. Ol sözinde eldegi zorlıq-zombılıq äreketterdi toqtağanda ğana, prezident Tramp olardı beybit kelissöz «marapatına şaqıratının» aytqan. AQŞ mem. hatşısı beybitşilik kelissözderiniñ qayta qalpına keletini turalı naqtı uäde bergen joq.

Mayk Pompeonıñ mälimdeuinşe, prezident Tramptıñ Auğanstan prezidenti Ğani jäne Taliban jetekşilerimen jeksenbide Uaşington janındağı Kemp-Devidte kelissöz ötkizudi josparlap kelgen. Äri, kelissözdiñ senimge negizdeletinin, «AQŞ-tıñ wlttıq müddelerin alğa tarta otırıp», Auğanstandağı 18 jıldıq soğısqa nükte qoyu nietinde ekenin aytqan.

AQŞ memlekettik hatşısı täliptermen kelissöz turalı poziciyasın bildirdi. Foto: CNN.

AQŞ pen Taliban arasında bir jılğa juıq uaqıt beybitşilik kelissözderi jürildi. Auğanstandağı AQŞ-tıñ arnayı ökili Halizad ötken aptada taraptardıñ negizgi wstanımdar turalı pikir birligine kelgenin mälimdedi. YAğni, AQŞ prezidenti kelisim jobasın maqwldasa, auğan jerindegi AQŞ-tıñ 5000 jauıngeri 135 kün işinde 5 äskeri bazadan şığarılatın boladı.

Mayk Pompeonıñ mälimdeuinşe, Auğanstandağı arnayı ökilge elge qaytu bwyrığı berilgen. Tramp AQŞ-tıñ Auğanstandağı äskeri äreketterin toqtatu turalı uädesin bergenimen, memlekettik hatşı Pompeo AQŞ-tıñ «terrorizmniñ aldın alu» maqsatındağı «eger dwrıs bolmasa, biz ketpeymiz» degen wstanımın da añğarttı.

«Eger tälipter äli de menmendik tanıtsa, birneşe apta boyı bergen uädelerin orındamasa, onda prezident qısımdı jeñildetpeydi. Biz de Auğanstan qauipsizdik küşterine qoldaudı azaytpaytın bolamız», – degen AQŞ memlekettik hatşısı.

Al, Taliban tarabı AQŞ-tıñ bwl şeşimine qarsı özderiniñ poziciyasın bildirip ülgerdi. Taliban mälimdemesinde: «Tramp Kemp-Devid kelissözderin kenetten toqtatqandıqtan, AQŞ-tıñ Auğanstandağı äskeri küşteri «basqalarğa qarağanda ülken şığındarğa wşıraytın boladı», – dep eskertti. Bwğan qosa: «Amerika Qwrama Ştattarınıñ bedeline nwqsan keletin boladı. Olardıñ beybitşilikke qarsı wstanımı älemge tipti de köbirek belgili boladı, olardıñ adam jäne ekonomikalıq şığındarı odan sayın artıp, AQŞ-tıñ halıqaralıq sayasattağı röli turalı kümän küşeye tüsedi», – degen eskertuin jasadı.

“The Qazaq Times”