RQ-4 Global Hawk wşqışsız wşu qwrılğısı. Foto; Vikipediya

Irannıñ Revolyuciya saqşılar korpusı eldiñ äue keñistigin bwzıp kirgen AQŞ-tıñ barlauşı dronın Hormozgan provinciyasınıñ üstine jetkende atıp tüsirgenin mälimdedi. Qwrama Ştattıñ äskeri teñiz küşteri özderine tiesili wşqışsız wşu qwrılğısınıñ qwlağanın rastağan.

Hormozgan provinciyası mwnay tasımalında asa mañızdı sanalatın Ormuz bwğazına jaqın ornalasqan. Mälimetterge qarağanda Iran äue küşteri atıp qwlatqan dron RQ-4 Global Hawk türindegi amerikalıq wşqışsız wşu qwrılğısı. Bwnday mälimetti «Reyter» agenttigi de rastağan.

Irannıñ AQŞ-qa tiesili äskeri tehnikanı atıp qwlatuı eki el arasındağı qayşılıqtıñ asqınıp twrğan twsında boldı. Bwğan deyin AQŞ prezidenti Donal'd Tramp Iranğa jasağan eskertuinde Qwrama Ştatqa tiesili mülikterge ziyan kelgen jağdayda onıñ jauabı auır bolatının aytqan edi. Ol kezde Tramp ükimeti Tehrandı (Tegeran) AQŞ-tıñ Orta Şığıstağı äskeri bazalarına şabuıl jasaudı josparladı dep ayıptağan bolatın.

Irannıñ qastandıq äreketterine qarsı twru degen uäjben Qwrama Parsı şığanağına jaqın äskeri bazaların küşti dayındıq küyine ötkizdi jäne bwl öñirdegi amerikalıq jauıngerlerdiñ sanın köbeytti. Bir ay bwrın Pentagon men Aq üydiñ wsınısı boyınşa atalğan aymaqqa 1500 jauınger jibergen.

Bwl jağdaylar AQŞ pen Iran arasındağı qayşılıqtıñ şırqau şıñına şığa bastağanın körsetedi. Osı aptanıñ basında ğana Iran AQŞ-tıñ ekonomikalıq qısımına baylanıstı 2015 jılı qol qoyğan yadrolıq kelisimdi toqtatuı mümkin ekenin mälimdegen.

Bwl jağday eki eldi de kelissöz mümkindiginen alıstatıp jiberedi. Ärine, Iran öz territoriyasına kirgen şeteldik äskeri tehnikanı atıp qwlattı, alayda, Qwrama Ştat üşin bwl äskeri qadamdarğa tolımdı sebep bola aladı.

“The Qazaq Times”