Veneseuladan qaşqan sarbazdar sanı arttı

Maduro biliginiñ şerulerge qarsı küş qoldanuına baylanıstı Venesueladan Kolumbiya men Braziliyağa qaşqan sarbazdar sanı artqan. 

Osığan deyin Venesuelanıñ BWW-dağı ökili aqpanda şetelge 109 jauınger qaştı dep mälimdegen bolatın. Al Kolumbiya immigraciyalıq qızmetiniñ habarlauınşa, biıl jıl basınan bwl memleketke 1 mıñ 400 jauınger, al Braziliyağa 60 äskeri bas sauğalağan. Elden ketken sarbazdar «jergilikti halıq mardımsız jalaqıdan japa şegip otır, biraq bilik kontrabandamen aynalısuın toqtatar emes», – dep şağımdanğan. Sol sebepti Venesuela halqı ädil saylaudıñ ötuin qalaydı.

Venesueladağı soñğı prezident saylauı 2018 jıldıñ mamır ayında ötti. Sol kezde Venesuela ükimeti el oppoziciyasın moyındamay, olardı «halıq jauı» dep atadı.  Bıltırğa saylauda kezekti märte Maduro jeñiske jetse de, batıs pen Latın Amerikasınıñ jetekşi elderi bwl jeñisti «fars» dep bağaladı. YAğni şetel ükimetteriniñ köpşiligi 56 jasar Maduronıñ inauguraciyasın elemedi. Onıñ işinde Qıtay, Türkiya, Iran jäne Resey bar.

Venesuela altınşı jıl qatarınan konomikalıq qwldıraudı bastan keşirude. 1 million payızdan astam nnflyaciyalıq qwldırauğa wşırağan Venesuelanıñ äleumettik jağdayı ötken jılı 1920 jıldardağı Veymar Respublikasınıñ jäne 2000 jılğı Zimbabve tarihındağı degradaciyamen say keldi. Al 2013 jıldan beri jalğasıp kele jatqan ekonomikalıq qwldırau AQŞ tarihındağı wlı dağdarıstan şamamen 2 esege köp.

"The Qazaq Times"