Germaniya kancleri Angela Merkel'. Foto: reuters.tv

Germaniya kancleri Angela Merkel' Bundestagtağı Hristian-demokratiyalıq odaqtıñ (HDS) jetekşiligine küresuge nietti emestigin aytqan soñ, onıñ ornın basuğa 12 ümitker öz kandidaturasın wsındı.

Osığan deyin Germaniya tarihında atalğan lauazımğa talasqandar kezdespegen. Sarapşılardıñ pikirinşe, bwl lauazımğa 3 ümitker ğana layıqtı. Olardıñ qatarında 22 jasında Bundestagqa saylanğan densaulıq  saqtau ministri, jas sayasatker Yens Şpan bar. Merkel'diñ migraciyalıq sayasatına tübegeyli qarsı ümitker Germaniyadağı sayasi jüyege rezonans tuğızbaq niette. Ekinşi ümitker Fridrih Merc qazirgi kanclerdiñ bwrınnan kele jatqan baqtalası. F.Merc ükimette biraz uaqıt eñbek etken, biraq 2002 jılı Merkel' onı qızmetinen bosattı. Al üşinşi bbolıp kezekte twrğan Angela Merkel'diñ eñ jaqın üzeñgilesteriniñ biri, partiya hatşısı Annegret Kramp-Karrenbauer bilikke kelse, partiya sayasatı özgere qoymaydı.

Bwdan bölek, Germaniya kancleri 2021 jılı ötetin saylauda köşbasşılıqqa ümitker qatarında bolmaytının mälimdegen bolatın. Merkel'diñ bwl şeşimi älemdik sayasattağı kütpegen jañalıqtardıñ biri. 2005 jıldan bastap GFR ükimetin basqaratın ol mansabın toqtatıp qana qoymay, Gamburgtegi partiya s'ezinde öz kandidaturasın HDS törağası lauazımına wsınbaytının ayttı. Osığan deyin Gessen aymağında ötken saylau nätijesinde Merkel' basqaratın odaq jeñiske jetken bolatın. Degenmen, dauıs beru boyınşa 27,2% qoldau körgen partiya aytarlıqtay mardımdı jetistikke jetken joq. Al Ortalıq solşıl social-demokratiyalıq partiyası 19,6% dauısqa ie boldı. Payızdıq körsetkişterdi osıdan bes jıl bwrınğı saylau qorıtındısımen salıstırsaq, Hristian-demokratiyalıq odağı 12%-ğa juıq tömen körsetkiş körsetken.

Merkel' partiyasın naqtı kimniñ basqaratını 8 jeltoqsanda Gamburgte ötetin saylau kezinde belgili boladı.

"The Qazaq Times"