Foto: lemonde.fr

Irandıq Atam energiya jönindegi Wyımnıñ ökili Behruz Kamal'vandi Atom energiyası boyınşa halıqaralıq agenttikke (MAGATE) bwdan bılay Irannıñ urandı bayıtu mölşerin wlğaytudı közdeytini turalı hat jiberetinin mälimdedi. Bwl turalı lemonde.fr agenttigi habarlaydı.

«MAGATE-ge jiberiletin hatta UF6 az öndirisi (geksaftorid uranı) boyınşa irannıñ mölşerin wlğaytu procesiniñ bügin, 5 mausımda bastalatını habarlanğan», deydi atalğan agenttik. Kamal''vandi, Irannıñ urandı bayıtu isinde paydalanılatın centrifut öndirisin jedeldetu mümkindigi bar ekenin de ayttı. Bwdan bwrın da Irannıñ Joğarı lideri Äli Hamenei eger 2015 jılı qol qoyılğan yadrolıq kelisim AQŞ-tıñ şığuımen aqsaytın bolsa, Irannıñ Atom energiya jönindegi Wyımınıñ urandı bayıtu dayındığın tez arada bastauına bwyrıq bergen edi.

Esteriñizge salsaq, 2015 jılı Iran men "altılıq" (AQŞ, Franciya, Wlıbritaniya, Germaniya, Qıtay jäne Resey) elderi yadrolıq bağdarlama boyınşa tarihi kelisimşartqa qol qoyıp, nätijesinde Tehranğa (Tegeranğa) qatıstı sankciyalar jeñildetilgen edi. Sonımen qatar, Iran qaruğa qoldanılatın plutoniydi şığarmauğa, 15 jıl boyına 3,67%-ğa deyin bayıtılğan urannıñ 300 kg-nan aspaytın mölşerin wstauğa, yadrolıq nısandardı qayta jabdıqtap, olardı tek beybit maqsatta paydalanuğa mindet alğan bolatın. Al, bärimizge belgili, üstimizdegi jıldıñ 8 mamır küni AQŞ prezidenti Donal'd Tramp Irannıñ yadrolıq bağdarlamasınan şığatının jäne irandıq rejimge qarsı jaña sankciyalar salatının mälimdegen edi. Tramptıñ bwl şeşimine EO elderi men Resey qarsı şıqqan bolatın.

“The Qazaq Times”