"Baqıt partiyası" lideri Temel Karamanoglu. Foto: DHA

Rejep Tayıp Erdoğan men Abdullah Güldiñ bastamalarımen qwrılıp, "Wlttıq közqaras" ideyasın nasihattaytın Saadet Partisi (SP, "Baqıt" partiyası) 2015 jıldıñ 1 qaraşasındağı soñğı saylauda 0,7% dauıs jinağanına äri 2019 jılı ötetin saylauğa äli bir jıldan astam uaqıttıñ bolğanına qaramastan qazirde Türkiya biliginiñ kün tärtibindegi eñ mañızdı mäselege aynaldı.

Negizinde, Saadet Partisi-niñ basşısı Temel Karamanogluğa  prezident Erdoğannıñ "odaq" qwrudı wsınğanına köp uaqıt öte qoyğan joq. Alayda, prezident öz wsınısına oñ jauap ala almasa da, köp keşikpey-aq Türkiya Wlı Wlttıq Mäjilisi Ata Zañ komissiyasınıñ basşısı Mwstafa Şentoptı osı mäselege qatıstı atalmış partiya basşılığına onı "köndiru" üşin jibergen bolatın. Degenmen, Karamanoglu öz mälimdemelerinde "däl qazirgi uaqıtta odaq qwru nietteriniñ joqtığın" aytıp, Respublikalıq Odaq qwramında bolğısı kelmeytinin aşıq bildirdi.

Erdoğan Saadet Partisi-ne nege qwmartıp otır?

Wltşıl Qozğalıs Partiyası (MHP) men Respublika odağın qwrğan Erdoğan, 2019 jılğı saylaudı "qos maydan" retinde qarastıruda. Parlamentten tıs "Wlı Birlik Partiyasın" (BBP) da özine jaqtas etip alu arqılı "wlttıq jäne jergilikti" maydan qwrudı közdegen Erdoğan, Respublikalıq Halıq Partiyasın (CHP) Demokratiyalıq Halıq Partiyasımen birge odaqtasuğa mäjbürleude. Al halıqaralıq sarapşılardıñ payımınşa, ol öziniñ osı "wlttıq-jergilikti" ideyasın mıqtap bekitu üşin de Wlttıq közqarastı nasihattaytın konservatorlıq ülgidegi Saadet Partisi-in öz odağına qosqısı keledi. Sebebi, dauıs sanı tipti 0,5%-dan az bolsa da atalmış partiya "AQ" partiyanıñ negizin qalıptastırğan, "konservatorlıq" wstanımdağı saylauşılarğa aytarlıqtay äser ete aladı-mıs. YAğni, SP partiyasınıñ da odaq qwramında boluımen "wlttıq-jergilikti" bastaması "aqılğa qonımdı" boladı dep esepteydi.

"SP" nege "AQ" partiya wsınısın qabıldamay otır?

Türkiya prezidenti Rejep Tayıp Erdoğan men SP lideri  Temel Karamanoglunıñ kezdesui. Foto: DHA

2000 jıldarı enşisin alıp ketken wlttıq közqarastı nasihattaytın Saadet Partisi-niñ törağası Karamanoglu "AQ" partiya men bilikti qatañ sınay otırıp, Erdoğannıñ aldımen özi, sodan soñ kömekşileri arqılı qwrmaq bolğan "odaq"  wsınısın keri qaytardı. Bwl qatañ şeşimniñ sebebin Erdoğan men "AQ" partiyanıñ "qwtqaruşı" sekildi köringenin wnatpaytındığımen tüsindirdi.

Saadet Partisi-niñ lideri AQ partiya men Wltşıl Qozğalıs partiyasınıñ (MHP) odaqtarın "wlttıq" dep atap, qoğamnıñ 50%-ın "wltşıl emes" dep jariyalaumen qatar, "menimen birge emessiñ, satqınsıñ" degenderin de qabıldamağandarın aytadı.

Karamanoglu öz partiyası atınan prezidenttikke ümitker şığaratının aytıp kele jatqanına da köp boldı. Ol: " Türli zañdar şığarılarda AQ partiya bizdiñ de pikirimizdi swrap jatsa, ärine öz oyımızdı aytar edik. Bizge qanday qadam jasalsa, biz de solay isteymiz", - dedi.

Osı orayda, aqparat qwraldarı betterinde prezident Erdoğannıñ qatal sınına wşırap kelgen bwrınğı prezident Abdullah Güldiñ Saadet Partisi-niñ atınan prezidet ümitkerligine tüsetindigi turalı da jazıluda. Bir qızığı, Abdullah Gül özine qatıstı osı jel sözge qanday da bir mälimdeme jasamay otır. YAğni, onıñ aldağı saylauğa tüsetini nemese beytarap qalatındığı şın mäninde resmi türde jariyalanbadı.

“The Qazaq Times”