Qorşağan ortanıñ lastanuınan tuatın qauip. Foto: pinterest.com

26 qañtar, Uaşington. «Atom ğalımdarnıñ byulleteni» wyımı  Çikago universitetinde ornatılğan adamzat dağdarısınıñ simvolı «Aqırzaman Sağatı» 30 sekunt alğa ilgerlegenin habarlaydı. Atalğan wyımnıñ ğalımdarı "zamanaqır nwktesine" 2,5 minut qaldı dep dabıl qaqtı. 

Bizdiñ zamanaqırdıñ sebepteri. Foto: forcetoknow.com

1945 jılı älemdegi alğaşqı atom bombasın jasauğa qatısqan, amerikalıq ğalımdar tobınan (onıñ işinde on neşe Nobel' sıylığınıñ laureatı bar) «Atom ğalımdarı byulleteni» wyımı qwrıldı. Wyım atom qaruın paydalanuğa qarsı twrudı maqsat etti. 1947 jılı olar Çikago universitetiniñ aulasına, adamdardıñ Qiyamet-qayımğa wşırauı mümkin ekenin eskertetin «Aqırzaman Sağatın» ornattı. Ol älemge aqırzamannıñ dabılın qağıp, atomnan keletin «Qiyamettiñ» simvolı retinde bağalandı.

«Aqırzaman Sağatı» ornatılğalı beri, onıñ şkalası 19 ret özgertilgen. Osıdan bwrınğı eñ qauipti sät 1953 jılı edi. Sol kezde AQŞ pen Keñes odağınıñ art-artınan küşti atom qaru sınağın jasauı, «aqırzaman nüktesine» 2 minutqa deyin jaqındatıptı. Keyin qos tarap yadrolıq qarudı qısqartu kelisimine kelip, yadrolıq sınaqtardı azaytqan. Strategiyalıq yadrolıq qarulardı qısqartqannan keyin, «aqırzaman nüktesinen» 17 minutqa deyin alıstağan.

YAdrolıq jarlıstıñ qateri. Foto: metrovideogame.wikia.com

Alayda soñğı kezderi, älemdegi köptegen qayşılıqtardıñ sebebinen, «Aqırzaman Sağatınıñ» strelkası, belgilengen «aqırzaman nüktesine» barğan sayın jaqındap keledi. 2015 jılğı Soltüstik Koreyanıñ jasağan yadrolıq sınaqtarı, AQŞ-Resey qarım-qatınasınıñ şielenisi, islam elderindegi qayşılıqtar, klimat özgeristerine baylanıstı bwl körsetkiş 3 minutqa deyin kelip toqtağan. Soğan qarağanda däl qazir adamzat zamanaqırdıñ jieginde twr.

Soğıstıñ adamzatqa qateri. Foto: Secrets of the Fed

Wyımnıñ direktorı Bronson Uaşington jañalıqtar konferenciyasında: «Qazir adamzat 20 jıldan bergi Qiyametke eñ jaqın mezgilde twr», – degendi ayttı. «Atom ğalımdarı byulleteni» wyımınıñ qarauınşa, AQŞ jaña prezidenti Donald Tramptıñ şeşimderi men pikirleri älem qauipsizdiginiñ bet-beynesin tünek tünge bastap, älem tınıştığın twraqsız küyge alıp keledi. Sondıqtan, «Aqırzaman Sağatın» 30 sekuntqa alğa ilgerletti. Qazir «aqırzaman qoñırauına» nebarı 2,5 minut qalıptı. Büginde «Aqırzaman sağatın» retteu üşin, 15 Nobel' sıylığınıñ laureatın qamtığan arnayı ğalımdar tobı qwrlıp otır.

“The Qazaq Times”