«Niet» qayırımdılıq qorınıñ prezidenti Aynwr Temirhanqızı.

Qazirgi kezde köşede ketip bara jatıp bireuge tiın  tastasaq ta "qayırımdılıq" dep esepteymiz, keyde. Mwnıñ bäri käsibi twrğıdan emes, ärine, jay ğana kömek qolın sozu. Bir jağınan sol tiın şınımen qayırımdılıqqa jwmsaldı ma, onı biz bilmeymiz. Tek "köleñkede" qalıp qoyadı. Desek te Qazaqstanda qayırımdılıqpen aynalısudı käsibi türde qolğa alıp, är jwmsalğan tiındı eseptep körsetetin wyımdar joq emes, bar. Ärqaysısınıñ qwrılımı ärtürli, biraq. Mine, biz sonday qorlardıñ jwmısı qanday bolatının bilu maqsatında «Niet» qayırımdılıq qorınıñ Prezidenti Aynwr Temirhanqızımen swhbattasqan edik.

- Aynwr Temirhanqızı «Niet» qayırımdılıq qorın qwruğa qanday jağday sebep boldı?

Qordı qwrudağı bizdiñ maqsatımız – kömekke mwqtaj balalar ömiriniñ sapasın jaqsartu. Biz negizi bastı 4 kategoriyanı qamtimız. Olar: mügedek balalar, jetim balalar, az qamtılğan  jäne köp balalı otbasınan şıqqan balalar. YAğni qordıñ negizgi bağıtı osı balalalarğa kömektesu desek boladı. Ökinişke oray, qazirgi kezde barlıq kategoriya boyınşa kömek swrauşılar köp. Biraq eñ köp kömek swraytındar mügedek balalar men az qamtılğan otbasındağı balalardıñ ata-anası deuge boladı.

- Bizdiñ bayqauımızşa, sizder onlayn platformada jwmıs isteysizder. Al onıñ basqa qayırılımdıq qorları atqarıp jatqan jwmıstarınan ayırmaşılığı bar ma?

Birinşiden biz kömek swrauşılarğa aqşa bermeymiz, bizdiñ wstanımımız - qarajatpen qolma qol emes kömek körsetu. YAğni biz özimizdiñ qayırımdılıq bağdarlamalarımız arqılı kömekke mwqtaj balalardıñ ata-analarına sertifikattar tapsıramız. Balalardıñ bazadağı nominalı boyınşa sertifikatpen (qanday qayırımdılıq bağdarlamasın tañdauına baylanıstı) azıq-tülik tauarların, oqu qwraldarın, supermarket jelilerindegi balalar asortimentindegi tauarlardı satıp aluğa boladı.

Tağı ayta ketetin erekşelik niyet.kz sirek kezdesetin jobalardıñ biri deuge boladı. Qazaqstanda balaması joq. Öytkeni birinşiden, qayırımdılıq jasauşı saytqa tirkelgennen keyin, kömek qajet etetin balalardıñ tiziminen naqtı bir balanı nemese  birneşe balanı (sayttıñ derekqorınan), sonday-aq, olardıñ ärqaysısına qajetti sertifikat atauların tañdap, qarajat audarımdarın jasay aladı. Barlıq jürgizilgen audarımdar qayırımdılıq jasauşınıñ jeke kabinetindegi şotında (jek twlğanıñ öziniñ esepşotı emes) körsetiledi jäne ol onda  jasağan qayırımdılıqtarın  baqılay aladı. Qauipsizdikti qamtamasız etu maqsatında aşıq aqparatta tek balanıñ atı-jöni, jası, äleumettik jağdayı jäne minezdemesi ğana körsetiledi.

Ekinşiden, eger qayırımdılıq jasauşı kömekteskisi keletin naqtı bir balanı tañdamasa, onda onlayn platforma arqılı äri kölemdi qarajat audarğan jağdayda, ol qarajat jüye arqılı avtomattı türde beligili bir tärtippen tizimde kezdeysoq payda bolğan balağa beriledi.

Üşinşiden, platforma arqılı zeket etuge boladı (zeket - mwsılman şartı boyınşa qoğamdağı mwqtaj jandarğa beriletin mindetti sadaqa). Zeket audaru boyınşa da barlıq talaptar esepke alınğan jäne zeket kal'kulyatorı iske qosıldı.

- Qor osı uaqıtqa deyin öziniñ naqtı maqsattarına qol jetkize
aldı ma?

Aytıp kettim, bizdegi maqsat - ol mwqtaj balalarğa kömek körsetu. Sondıqtan mwqtaj balalar köbeygen sayın bizdiñ maqsatımız da köbeye beredi. Al osı jolda «Niet» qorı komandası barlıq audarılğan qarajat adresattarğa jıldam jetui üşin köp küş jwmsap keledi.  Biz barınşa mümkindigi şekteuli balalardıñ barlığına kömektesuge tırısamız.

Al jalpı esepke keler bolsaq, biılğı jıldıñ mamır ayınan bastap Qor «Azıq-tülik sebeti» jäne «Mektepke jol» bağdarlamaları boyınşa 1031 balağa  14 mln 935 mıñ teñge somasında kömek körsetti. 1 qaraşadan bastap Qor balalarğa arnalğan «Meniñ balalarğa arnalğan sıylığım» attı jaña jıldıq qayırımdılıq bağdarlamasın iske qostı.

- Bwl bağdarlamalardıñ artıqşılıqtarı qanday?

«Azıq-tülik sebeti» bağdarlaması arqılı äleumettik kömek qajet etetin balalarğa atı-jöni jazılğan sertifikattar beriledi. Bwl iri sauda orındarınan sapalı azıq-tülik men jasöspirimderdiñ salauattı tamaqtanuına qajetti önimderdi satıp aluğa mümkindik beredi.

Al «Mektepke jol» bağdarlamasımen mektep qwraldarın satıp aluğa arnalğan balanıñ atı-jöni jazılğan sertifikat beriledi. Osı sertifikattı alğan ata-ana balasınıñ şığarmaşılığına, mektebine qajetti qwraldardı qaladağı supermarket jelilerinen satıp ala aladı.

Al «Meniñ balalarğa arnalğan sıylığım» bağdarlaması boyınşa balalar dükenderiniñ jelilerinde oyınşıqtar, kiim jäne ayaq kiim, jaña tuğan närestelerge arnalğan tauarlardı satıp aluğa sertifikat türinde kömek körsetiledi.

- Qazirgi kezde Qazaqstanda qayırımdalıq jasaytındardıñ
özine kümänmen qaraytındar köbeydi. Osığan baylanıstı
sizderge de senim bildirmegender boldı ma?

Bizdiñ qordıñ qızmeti ärqaşan aşıq körsetiledi. Qayırımdılıq jasağan ärbir adam nemese wyım bizdiñ qızmetkerlermen baylanısıp, özderi audarğan qarajat nemese körsetken kömegi boyınşa tolıq esepti bile aladı. Al özimizdiñ äkimşilik şığındarımız Qordıñ qamqorlıq keñesi tarapınan tolıq qarjılandırıladı.

Sonday-aq, bizdiñ Qor är mwqtaj balardıñ jınısına, wltına, dinine, densaulığına, bilimine, sonday-aq ata-anasınıñ (qamqorşılarınıñ)  äleumettik jağdayına nemese basqa da faktorlarına qaramastan kömektesedi.

- Degenmen «qazaqstandıqtar qayırımdılıq jasaudı azayttı» degen mälimetter bar. Jalpı qazaqstandıqtardıñ qayırımdılıq
jasauğa qızığuşılığı qalay?

Bügingi küni Qordıñ saytında 240 astam donor (qayırımdılıq jasauşı) men paydalanuşı bar. Balalardıñ tağdırına bey-jay qaramaytın osınday jandardıñ  arqasında 1000-nan astam mwqtaj balağa kömek körsetildi.

Al halıqaralıq körsetkişke keler bolsaq, qırküyek ayında qayırımdılıq eñ köp jasaytın elder turalı World Giving Index 2017 halıqaralıq reytingi şıqtı. Osı jılğı reytingti Charities Aid Foundation (CAF) halıqaralıq qayırımdılıq qorı wsınğan. Olar reytingti jıl sayın jañartadı. Osındağı mälimetter boyınşa M'yanma eñ köp qayırılımdılıq jasalatın elder qatarında jäne osımen törtinşi jıl qatarınan birinşi orında kele jatır. Halıqtıñ 91 payızı qayırımdılıq jasaydı. Odan keyin Indoneziya, Keniya elderi. Öziñiz bayqap otırğanday atalğan elderdiñ barlığı sonşalıqtı bay elder emes. Al Qazaqstannıñ körsetkişi 30 payızben 87 orında twr. Ortalıq Aziya elderimen de salısırar bolsaq, mwnıñ özi joğarğı körsetkiş emes. Al bwl reytingten neni köruge boladı? YAğni älemdik täjiribeni alıp qaraytın bolsaq, qayırımdılıq jasauğa memlekettiñ ekonomikalıq damu körsetkişi eş äser etpeydi. Mwnda dästürli, dini salttar köbirek ıqpal etedi. Sondıqtan osı boyınşa Qazaqstanda da öziniñ körsetkişin jaqsartuğa mümkindigi bar dep oylaymın. Öytkeni mwqtaj jandarğa qayırımdılıq jasau bizdiñ mentalitette de bar.

- Swhbatıñızğa rahmet!

“The Qazaq Times”