Foto: rbk.ua

Ispaniya Kataloniyanı konstituciyalıq sotqa beredi. Bwl turalı şeşim Madridte 4 şilde küni Kataloniyanıñ suverenitetin jaqtauşılar öñirlik parlamentte Ispaniyadan täuelsizdigin alu turalı referendumnıñ zañ jobasın tanıstırğannan keyin qabıldandı. Atalğan zañ jobasında "referendum jeñiske jetken jağdayda, Kataloniya Ispaniyadan täuelsizdigin 48 sağat işinde jariyalaydı" delingen.

Kataloniyanıñ jergilikti basqaru organınıñ prezidenti Karles Puçdemont ortalıq biliktiñ qarsılığına qaramastan, referendum 2017 jıldıñ 1 qazanında ötedi dep habarladı. Ispaniyanıñ negizgi zañı Konstituciyada mwnday referendumdar ötkizuge tıyım salınıp, onı bwzğan azamattarğa arnayı jaza qarastırılğanımen katalondıqtarğa bwl toqtau sala almay otır. Kataloniyanıñ basşısı täuelsizdik alğannan keyin eldegi ekonomikalıq jağday jaqsara tüsetinine senimdi. Osı twsta atap ötu kerek, qazirdiñ özinde Kataloniyadağı azamattardıñ ortaşa tabıs mölşeri Ispaniyanıñ qalğan audandarımen salıstırğanda 20 payızğa joğarı.

Äleumettik zertteuler ortalığınıñ qızmetkeri  Gabriela Rospideniñ mälimetinşe, Kataloniyadağı täuelsizdikti qoldap, dauıs beretinderdiñ sanı şamamen 40 payızğa da jetpeydi. Al jergilikti bilik bwl körsetkiş 55 payızdan joğarı dep mälimdedi.

Ispaniya biligi separatisterge zañğa säykes konstituciyalıq sot arqılı qarsı twrmaq. Eldi bölşekteuge qatıstı kez-kelgen ideya antikonstituciyalıq dep tanılıp jäne bwl äreketteri üşin referendumğa qatısuşılar türmege toğıtıluı mümkin.

“The Qazaq Times”