كيەۆ باكۋدى تاباندى قولداۋدا. فوتو: ۋكراينا ءسىم.

تاۋلى قاراباق ءۇشىن ءازىربايجان مەن ارمەنيا كەسكىلەسكەن ۇرىس سالىپ جاتىر. تاۋلى قاراباقتى ازىربايجاندىكى دەيتىندەر دە، باسىپ الىنعان تەرريتوريانى ارمەنياعا تەلىگىسى كەلەتىندەر دە تابىلىپ جاتىر. ال، ۋكراينا بولسا اۋەل باستان اشىق پىكىرمەن ءازىربايجاندى قولداپ كەلەدى.

ۋكراينانىڭ ءبىر ەمەس بىرنەشە ىقپالدى ساياساتكەرلەرى تاۋلى قاراباق جونىندە ءوز پىكىرلەرىن باق-ىنا اشىق جەتكىزدى. ولار تالاستى ءوڭىر ازىربايجانعا تيەسىلى، سوعىستى توقتاتۋ ءۇشىن ارمەنيا قارۋلى كۇشتەرىن كەرى قايتارۋ كەرەك دەگەن پوزيتسيادا.

ەكى كۇن بۇرىن ۋكراينانىڭ پارلامەنت دەپۋتاتى رۋستەم ۋمەروۆ تۇركيالىق اقپارات اگەنتىگىنىڭ سۇحباتىن قابىلداعان، ول سۇحباتىندا ۋكراينا بيلىگى تاۋلى قاراباقتى تالاسسىز ازىربايجانعا تيەسىلى دەپ ساناپ كەلگەنىن ايتقان. ول تاۋلى قاراباق ماسەلەسى بويىنشا بىرقاتار ەلدەر مەن حالىقارالىق ۇيىمداردىڭ پوزيتسياسىن سىنعا العان. «كەيبىر ەلدەر مەن حالىقارالىق ۇيىمدار ارمەنيانى جاۋلاۋشى ەل رەتىندە اتاماي وتىر»، – دەگەن ۋمەروۆ.

“The Qazaq Times”