بەلارۋس اقپارات ءمينيسترى لۋتسكيدىڭ 29 قىركۇيەكتەگى بۇيرىعىنا سايكەس TUT.BY سايتى اقپارات تاراتۋ قۇقىعىن 2020 جىلدىڭ 1 قازانىنان باستاپ توقتاتتى، دەپ حابارلايدى باسىلىم ءوزىنىڭ رەسمي سايتىندا.

بەلارۋس اقپارات مينيسترلىگىنىڭ مالىمەتىنشە مەمىلەكەتتىك ورگان TUT.BY سايتىنا قاتىستى ءىستى سوتقا جىبەرسە سايت جۇمىسىن ۋاقىتشا توقتاتا تۇرۋعا ءماجبۇر بولادى.

دەپارتامەنت 18 قىركۇيەكتە مينسك ەكونوميكالىق سوتىنا تالاپ ارىزىن جولداعان، سوت وتىرىسى 8 قازانعا جوسپارلانعان.

TUT.BY بۇقارالىق اقپارات قۇرالى رەتىندە رەسمي 2019 جىلدىڭ قاڭتارىندا تىركەلگەن. سايت 2000 جىلى قۇرىلعاننان وتكەن جىلعا دەيىن تىركەلمەي جۇمىس جاساعان، بۇل تۋرالى سايتتىڭ مالىمدەۋىنشە، بەلارۋس زاڭىنا سايكەس ينتەرنەت-رەسۋرستاردى اقپارات قۇرالى رەتىندە تىركەۋ مىندەتتى ەمەس.

2020 جىلدىڭ 7 تامىزىنان بەرى TUT.BY سايتىنا ءتورت مارتە ەسكەرتۋ جاسالعان، وعان باستى سەبەپ سايت بەلارۋستاعى پرەزيدەنتتىك سايلاۋ قارساڭىنداعى زاڭ بۇزۋشىلىقتار جانە نارازىلىق شارالارى تۋرالى اقپارات تاراتقانى ءۇشىن.

بەلارۋس بيلىگى باق تۋرالى زاڭدى العا تارتا وتىرىپ سايتتى سوتقا تارتقان، ناتيجەسىندە قازان ايىنان باستاپ TUT.BY سايتى اقپارات قۇرالى مارتەبەسىنەن ايرىلادى. الايدا پورتال وكىلدەرى بۇل شەشىمگە قاراماستان جۇمىس جالعاستراتىنىن مالىمدەدى.

"The Qazaq Times"