تۇركيادا 2016 جىلعى توڭكەرىس ارەكەتىنە قاتىستى تەرگەۋ، تۇتقىنداۋ جۇمىستارى ءالى جالعاسۋدا. ەندى تۇركيانىڭ كونيا قالاسىنىڭ سوتى «فەتو» (FETO) ۇيىمىنىڭ ىسىنە قاتىستى 70 اسكەري قىزمەتكەردى (كەيبىرى دەمالىستاعى اسكەري) تۇتقىنداۋعا شەشىم شىعاردى. بۇل تۋرالى timeturk.com حابارلايدى.
قۇقىق قورعاۋ ورگاندارى تاراپىنان كۇدىكتىلەردى ۇستاۋ ءۇشىن ەلدىڭ 23 ايماعىندا رەيد جۇرگىزىلۋدە. بۇدان بۇرىن دا جازعانىمىزداي، تۇركيا سوتى 104 اسكەري قىزمەتكەرگە ءومىر بويىنا تۇرمەگە وتىرۋ جازاسىن بەرگەن ەدى. ودان بولەك، تۇركيانىڭ يزمير قالالىق سوتى 21 ادامدى «پرەزيدەنتتى ولتىرۋگە ارەكەتتەنگەن» قىلمىسى بويىنشا، 20 جىلعا باس بوستاندىقتارىنان ايىرىپ، 31 اسكەري قىزمەتكەرگە «تەررورلىق ۇيىمنىڭ مۇشەسى» بولعان دەگەن ايىپپەن جەتى جىلدان 11 جىلعا دەيىن باس بوستاندىعىنان ايىرۋ تۋرالى ۇكىم شىعارعان بولاتىن.
ەسكە سالايىق، 2016 جىلدىڭ 16 شىلدەسىندە تۇركيادا اسكەري توڭكەرىسكە ارەكەت جاسالىپ، ءساتسىز اياقتالعان ەدى. ءساتسىز اسكەري توڭكەرىس ارەكەتىنىڭ سالدارىنان 61 ادام قازا تاۋىپ، 1440 ادام جاراقات العان بولاتىن. كەيىن 40 مىڭنان استام ادام تۇتقىندالدى. تۇركيا پرەزيدەنتى رەجەپ تايىپ ەردوعان مەملەكەتتىك توڭكەرىس ارەكەتىنە يسلام ناسيحاتشىسى فەتۋللاھ گۇلەندى ايىپتايدى. ال، كوپتەگەن جىلدان بەرى اقش-تا تۇراتىن گۇلەن وزىنە تاعىلعان بۇل ايىپتاۋلارمەن كەلىسپەيتىنىن مالىمدەدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى