قىرعىزستاننىڭ جالال-اباد وبلىسى توگۋز-توروۋ اۋدانى تۇرعىندارى وسىعان دەيىن دە ماكمال كەن ورنىنان التىن شىعاراتىن فابريكا سالۋعا قارسى بولىپ، 11 ساۋىردە 500-گە جۋىق ادام تاعى دا ميتينگكە شىققان ولار «جي ەل ماكمال دەۆەلوپينگ» التىن ءوندىرۋ كومپانياسىنىڭ عيماراتىن ورتەپ جىبەرگەن. بۇل تۋرالى ورتالىق ازيا جاڭالىقتار قىزمەتى حابارلادى.
تۇسىنىكتەمە بەرۋدەن باس تارتقان توگۋز-توروۋ اكىمدىگى حالىقتىڭ نارازىلىققا شىعىپ جاتقانىن راستادى.
ءىىم مالىمەتى بويىنشا، ميتينگكە شىققان جاستار الدارىنا كەلگەن كوميسسيا وكىلدەرىنە قارسى تاس لاقتىرا باستاعان. ودان كەيىن جينالعاندار فابريكا اۋماعىنا قاراي لاپ بەرىپ، سالىنىپ جاتقان عيمارات قۇرىلىسىنا ءورت قويعان. سونىمەن بىرگە سالىنعان ۇيلەردى، تەحنيكالاردى دا ورتەگەن.
قىرعىزستاننىڭ پرەمەر-مينيستر ساپار يساكوۆ 11 ساۋىردە توگۋز-توروۋ اۋدانى اكىمى تىلەك يديريسوۆتى قىزمەتىنەن العان. يساكوۆ حالىقتى ارانداتۋعا الدانباۋعا شاقىرعان.
وسىعان دەيىن فابريكا قۇرىلىسى توقتاپ قالعانى ايتىلعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى