كوسوۆو ازاماتتارى پريشتينا (Pristina) ورتالىعىنا سەربيادان ءبولىنىپ، تاۋەلسىز ەل بولعاندارىنا 10 جىل تولعانىن تويلاۋعا شىقتى، - دەپ حابارلايدى Euronews اقپارات اگەنتتىگى.
كوسوۆودا تۋعان ۇلىبريتانيالىق ءانشى ريتا ورا (Rita Ora) اسپان استىندا وتكەن كونتسەرتتىڭ اشىلۋ سالتاناتىنا قاتىستى.
بۇل مەرەكەنى جەرگىلىكتى حالىق البانيالىق كوسوۆولىقتاردىڭ تاريحي كۇرەسىنىڭ ناتيجەسى دەپ قاراستىرادى.
كوسوۆو ازاماتى اريان حانسي (Arian Hansi): «ارمانىمىز ورىندالدى دەسەك بولادى. بار تىلەگىمىز – الەمنىڭ باسقا ازاماتتارى سياقتى ەركىن ءومىر ءسۇرۋ بولاتىن»، - دەيدى.
دەگەنمەن كوسوۆونىڭ شەشە الماي كەلە جاتقان ماسەلەلەرى جوق ەمەس. ولار ءوز كەزەگىندە ەلدىڭ ەو-عا كىرۋ-كىرمەۋىنە اسەر ەتەدى. تاۋەلسىزدىكتى 10 جىل بۇرىن السا دا، كوسوۆونى سەربيا ءالى مويىنداماي كەلەدى.
ەتنيكالىق البانداردىڭ سەربيالىق قارۋلى كۇشتەردىڭ قولىنان قازا تابۋ جاعدايى كوبەيىپ كەتىپ، ناتو 1999 جىلى 11 اپتا بويى بالقان ەلىن بومبالاعاننان كەيىن كوسوۆو سەربيادان ءبولىنىپ شىقتى.
رەسمي تۇردە سەربيا تاۋەلسىزدىگىن 2008 جىلى جاريالاپ، نەگىزگى باتىس دەرجاۆالارىن قوسقاندا الەمنىڭ جالپى 100-دەن استام مەملەكەتىمەن مويىندالدى. بىراق ەو-نىڭ 28 مۇشەسىنىڭ بەسەۋى (گرەكيا مەن يسپانيانى قوسقاندا) كوسوۆونى ءالى دە تاۋەلسىز ەل رەتىندە مويىندامايدى.
كوسوۆو پرەزيدەنتى حاشيم تاچي (Hashim Thaci) ءبىر جىل ىشىندە سەربيامەن كەلىسىمگە كەلىپ، بۇۇ-عا مۇشە بولۋدى جوسپارلاپ وتىرعانىن مالىمدەدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن