قازاقستانداعى مۇناي وڭدەۋ زاۋىتتارى ء(موز) قايتا ىسكە قوسىلعاننان كەيىن قاراشا ايىندا بەنزينگە سۇرانىس بىرتىندەپ ازايادى. بۇل تۋرالى قر ەنەرگەتيكا ءمينيسترى قانات بوزىمباەۆ استاناداعى ورتالىق كوممۋنيكاتسيالار قىزمەتىندە وتكەن كونفەرەنتسيادا مالىمدەدى.
ونىڭ سوزىنشە، كەلەسى ايدا بەنزين سۇرانىسى 270-280 مىڭ توننا كولەمىندە بولادى.
"بۇلاردىڭ ءبىراز بولىگىن وتاندىق ءموز ەسەبىنەن جابامىز. كولەم بويىنشا كەستەنى بۇگىن-ەرتەڭ بەكىتەمىز، بىراق شىمكەنت پەن پاۆلودار ءموز-ءىن بارىنشا ىسكە قوسقىمىز كەلەدى. اتىراۋ ءوندىرىسىن ءبىراز ازايتامىز. سەبەبى ولارعا جەلتوقسان ايىندا كاتاليتيكالىق كرەكينگ قوندىرعىسى قويىلۋ قاجەت. اقشىل مۇناي ونىمدەرىن وڭدەۋ بىردەن كوبەيۋى كەرەك، سوندا زاۋىتتىڭ تيىمدىلىگى ارتادى، سودان كەيىن شيكى مۇناي ءۇشىن ارتىق تولەي باستايدى", - دەدى ول وسى ايدىڭ سوڭىنا دەيىن ەلگە اي-92 ماركاسى بويىنشا 100 توننا بەنزين كەلەتىنىن ايتىپ.
سونداي-اق، ول بۇگىن پاۆلودار ءموز-ءى ىسكە قوسىلعانىن جانە جوعارى ساپالى بەنزين ءۇش كۇننەن كەيىن بولا باستايتىنىن اتاپ ءوتتى.
"العاشقى وڭدەۋگە مۇناي كەلىپ جەتتى. ءۇش كۇننىڭ ىشىندە پاۆلودار ءموز-ءىنىڭ تولىق قۋاتى ىسكە قوسىلادى جانە جوعارى وكتاندى بەنزين شىعارىلا باستاۋى ءتيىس", - دەدى مينيستر.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى