الماتىدا Qazaqkoktemi art توبى اباي وبلىسىنداعى ورتتە قۇربان بولعان مارقۇمدارعا ارناپ «شىندىق» مەموريالىن ورناتتى. كۋب تارىزدەس مەموريالدىڭ ءبىر جاق بەتىندە ەكس-پرەزيدەنت نۇرسۇلتان نازارباەۆ پەن قازىرگى مەملەكەت باسشىسى قاسىم-جومارت توقاەۆ بەينەلەنگەن. ەكى بەينەنىڭ ورتاسىندا تاۋەلسىز قازاقستان تاريحىندا بولعان قاندى وقيعالار مەن ساياسي سەبەپپەن قازا تاپقان ادامداردىڭ اتتارى قىزىل-قارا تۇسپەن جازىلعان.

ەكىنشى بەتىندە «حالىققا اتىلعان وق، شىرىگەن بيلىك توق، ۇرپاققا قالعانى شوق» دەگەن جازۋ جازىلعان.

مەموريال جىبەكجولى مەترو ستانتسياسىنىڭ ماڭىندا، پانفيلوۆ كوشەسىندە ورناتىلعان.

مەموريالمەن قاتار Rukh2k19 ينستاگرام پاراقشاسىندا #QazaqKoktemi ارت توبىنىڭ مالىمدەمەسى دە جاريالاندى. وندا جاقىندا 15 ادامنىڭ ءومىرىن قيعان اباي وبلىسىندا بولعان ءورت جونىندە، ەلدەگى ساياسي جاعداي، تاعايىندالاتىن اكىمدەر، قورلىق پەن زورلىق كورگەن حالىق جونىندە جازىلعان.

بەلسەندىلەردىڭ ارت-پەرفورمانس ارقىلى حالىققا جولداعان ۇندەۋىندە «تاعى قانشا ادام جەمقور، تويىمسىز جۇيەنىڭ قۇربانى بولدى؟» دەپ جازىلعان.

ارتىنشا «شىندىق» مەموريالى الىنىپ ماڭىن پوليتسيا قىزمەتكەرلەرى سول توڭىرەكتى تورۋىلداپ ءجۇردى.