اقش اسكەرى ءسۇريادا «يسلام مەملەكەتى»  لاڭكەستىك ۇيىمىنىڭ باسشىلارىنىڭ كوزىن جويدى دەپ حابارلايدى BBC اقپارات اگەنتتىگى.

اقش اسكەريلەرىنىڭ ارنايى جاساعى ءسۇريانىڭ شىعىسىندا ورنالاسقان مايادين قالاسىندا ارنايى وپەراتسيا جاساۋ بارىسىندا، «يسلام مەملەكەتى» لاڭكەستىك ۇيىمىنىڭ باسشىلارىنىڭ ءبىرى ابدۋلراحمون وزبەكيدى ولتىرگەن.

ابدۋلراحمون وزبەكستان ازاماتى جانە «يسلام مەملەكەتىنىڭ» كوش باسشىسى ابۋ باكر ءال- باگديديدىڭ جاقىن سەرىكتەرىنىڭ ءبىرى بولعان.

پەنتاگوننىڭ ءباسپاسوز قىزمەتىنىڭ حابارلاۋىنشا ابدۋلراحمون وزبەكي 1-ءشى قاڭتاردا ستامبۋل قالاسىنداعى تۇنگى كلۋبقا شابۋىل  جاساعانداردىڭ ءبىرى بولعان. تۇركيا پوليتسياسى 17-ءشى قاڭتاردا ستامبۋل تۇنگى كلۋبىنا لاڭكەستىك شابۋىل  جاساعان ازاماتتى قولعا تۇسىرگەن. كەيىننەن تۇركيا پوليتسياسى  REIN تۇنگى كلۋبىنا وزبەكستان ازاماتى ابدۋلقادىر ماشاريپوۆ شابۋىل جاساعان دەگەن اقپارات تاراتقان بولاتىن.

"The Qazaq Times"