10 قاڭتاردا 2022 جىلدىڭ 5- قاڭتارىندا "جاپپاي تارتىپسىزدىكتى ۇيىمداستىردى", "الماتى اۋەجايىن باسىپ الماق بولدى" دەپ ايىپتالىپ ءۇي قاماقتا وتىرعان تاۋەلسىز جۋرناليست ايگەرىم تىلەۋجاننىڭ ادۆوكاتى اينارا ايدارحان استانا قالاسىندا ءباسپاسوز كونفەرەنتسياسىن وتكىزدى. 

ادۆوكات اينارا ايدارحان "قازاقستاننىڭ باس پروكۋرورى بەرىك اسىلوۆ ايگەرىم تىلەۋجاننىڭ كونستيتۋتسيالىق قۇقىعى - كىناسىزدىك پرەزۋمپتسياسىن بۇزدى" دەپ مالىمدەدى. وعان سەبەپ بولعان 5 قاڭتاردا قازاقستاننىڭ باس پروكۋرورى بەرىك اسىلوۆ پارلامەنت ماجىلىسىندە قاڭتار وقيعاسى بويىنشا دەپۋتاتتار الدىندا بايانداما جاساعاندا جۋرناليست ايگەرم تىلەۋجان مەن تاريح ءپانىنىڭ مۇعالىمى قالاس نۇرپەيىستى ەكسترەميتىك توپتىڭ مۇشەسى رەتىندە "الماتى اۋەجايىن باسىپ الدى" دەگەن بولاتىن.

تەرگەۋدىڭ ەندى اياقتالىپ ءىستىڭ ءالى سوتقا جەتپەگەنىن العا تارتقان ادۆوكات اينارا ايدارحان: - باس پروكۋرور بەرىك اسىلوۆ ماجىلىستەگى سوزىندە ايگەرىم تىلەۋجان مەن قالاس نۇرپەيىسوۆتى الماتى اۋەجايىن باسىپ الۋدى ۇيىمداستىرۋشى دەپ كورسەتتى. تەرگەۋ ەندى عانا اياقتالدى، سوت تا بولعان جوق. بىراق باس پروكۋرور ايگەرىم تىلەۋجاندى قازىردىڭ وزىندە كىنالى دەپ جاريالاپ جىبەردى. باس پروكۋرور وسى ارقىلى قوعامدىق پىكىر قالىپتاستىرىپ، سوت شەشىمىنە ىقپال ەتكىسى كەلەتىن سياقتى. كىمنىڭ كىناسى قانداي ەكەنى تەك سوت ۇكىمىندە عانا ايتىلادى،- دەيدى.

جۋرناليست ايگەرىم تىلەۋجان بىلتىر، 2022 جىلى قاراشا ايىندا قاڭتار وقيعاسى بايلانىستى كۇدىكتە رەتىندە سوت شەشىمىمەن ۇيقاماققا الىنعان. بىرنەشە اي بويى ونى "الماتى اۋەجايىن باسىپ الماق بولعاندار ءىسى بويىنشا" قىلمىستىق ىسكە كۋاگەر رەتىندە تارتىپ، كەيىن كۇدىكتى ساناتىنا اۋىستىرعان.

ايگەرىم تىلەۋجاننىڭ ادۆوكاتى اينارا ايدارحان 3 قاڭتاردا ايگەرىم تىلەۋجاننىڭ مارقۇم، ديسيدەنت ارون اتابەكتىڭ قىرقى نازىرىنەن شىعا بەرە ۇستالىپ 5 كۇنى كەشكە قاراي بوساتىلعانىن ەسكەرە وتىرىپ، ونى "جاپپاي تارتىپسىزدىكتى ۇيىمداستىردى" دەۋدىڭ قيسىنى جوق. "ويتكەنى ول الماتىدا قاڭتار وقيعاسى باستالار الدىندا اكىمشىلىك جازامەن قاماۋدا وتىرعان،-دەيدى. ءارى "- ول قاماۋدان شىققان سوڭ قازاقستانعا رەسەي اسكەرى كەلەدى دەگەندى ەستىپ، اقپاراتتىڭ راس-وتىرىگىن انىقتاۋ ءۇشىن اۋەجايعا بارعان. وندا ەشكىم جاۋاپ بەرمەگەن سوڭ، 20 مينۋتتان كەيىن كەتىپ قالعان،- دەدى.

تۋرا وسى ايىپپەن تاريح ءپانىنىڭ مۇعالىمى قالاس نۇرپەيىسوۆتە "اۋەجايدى باسىپ الماق بولدى" دەگەن كۇدىككە ىلىنگەن. قالاستا مارقۇم اتابەكتىڭ نازىرىنە بارىپ ايگەرىممەن بىرگە قامالعان. ايگەرىم تىلەۋجان دا، نۇرپەيىسوۆ تە سول كۇنى اۋەجايعا بارعانىن مويىندايدى، بىراق تەرگەۋ تاققان ايىپتارمەن كەلىسپەيدى.

قازاقستان كونستيتۋتسياسىنىڭ 77-بابىندا "ادامنىڭ كىنالى ەكەندىگى زاڭدى كۇشىنە ەنگەن سوت ۇكىمىمەن تانىلعانشا ول جاسالعان قىلمىسقا كىنالى ەمەس دەپ ەسەپتەلەدى" دەپ كورسەتىلگەن.

ايگەرىم تىلەۋجان تاۋەلسىز جۋرناليست، قوعامدىق بەلسەندى، ءوز كوزقاراسىن اشىق ايتىپ، ەكس-پەرزيدەنت نازارباەۆ پەن قازىرگى پرەزيدەنت توقاەۆتى جانە ولار قۇرعان جۇيەنى ءجيى سىناپ، ءتۇرلى قارسىلىق ميتنگىلەردى ۇيىمداستىرىپ، قايتىسىپ كەلگەن. ونىڭ قۋدالانۋىنىڭ ساياسي سەبەبى بولۋى مۇمكىن.