قازاق تاريحىنا قانمەن قارا تاڭباسىن باسىپ كەتكەن 2022 جىل – "بارىس" جىلى كەتىپ قايمانا حالىققا ءۇمىت وتىن سىيلاعان قويان جىلى كەلىپ جاتىر. قويان جىلى قورقىتپاي قۋانىشىمەن كەلسىن!

وتكەن بارىس جىلىنداعى اق ءجۇزىن قان، اق ەتەگىن جاس جۋعان جانداردىڭ جانارىنا جاقسىلىقتىڭ جارقىلى ورناسىن! ەل تاريحىنا 238 ادامنىڭ قانىمەن، ەركىندىك تالاپ ەتىپ بەيبىت ويىن ايتۋعا شىققان نەشە جۇزدەگەن ادامداردىڭ ازاپتالۋىمەن ەستە قالعان "بارىس" جىلى قايتادان قايتالانباسىن! وتكەن تاريحمىزداعى قىيىندىقتارعا تولى بولعان ناۋبەتتى اۋىر جىلداردىڭ كەسەپاتى تاريح قويناۋىندا قالىپ بارا جاتقان بارىس جىلىمەن بىرگە كەتىپ، كەلە جاتقان جىل جاقسىلىعىمەن كەلسىن!

كەلىپ جاتقان جاڭا جىل قارساڭىندا جالپى قازاقستاندىقتاردى، الىس-جۋىق شەتەلدەگى قانداستارىمىزدى، جەر بەتىندەگى بارشا ادامزات بالاسىن كەلە جاتقان جاڭا جىلىمەن شىن جۇرەكتەن قۇتتىقتايمىز! جاڭا جىل جاقسىلىعىمەن، يگىلىگىمەن، قايىرىمەن كەلسىن! الەمدە بولىپ جاتقان قيىنشىلىقتار، قايشىلىقتار، داعدارىستار سوعىسسىز، بەيبىت شەشىمىن تاۋىپ، بارشامىزدىڭ ورتاق الەمىمىز گۇلدەنە بەرسىن! جاراتۋشى سىن ساعاتتاردا ادامزات بالاسىنىڭ جۇرەگىندەگى ىزگىلىك، مەيىرىم، ماحاببات سەزىمدەرىن الا كورمەسىن! ەلىمىز امان، جۇرتىمىز تىنىش بولىپ، قويان جىل باقىت اكەلسىن!