باس كەڭسەسى نيۋ-يورك قالاسىندا ورنالاسقان جۋرناليستەردى قورعاۋ كوميتەتى (CPJ) تاجىك ءجۋرناليسى ءابدىساتتور پىرمۇحاممادزوداعا شىعارىلعان سوت ۇكىمىن سىناپ، ونى تەز ارادا بوساتۋدى تالاپ ەتتى، -دەپ جازدى ورتالىق ازيا جاڭالىقتار قىزمەتى.

26 جەلتوقساندا دۋشانبە قالاسى يسمايل سوموني اۋدانىنىڭ سوتى ءجۋرناليستى جەتى جىلعا سوتتادى. جۋرناليستەردى قورعاۋ كوميتەتىنىڭ ەۋروپا مەن ورتالىق ازياداعى باعدارلامادار ۇيلەستىرۋشىسى گۇلنوز سايد: ء"پىرمۇحاممادزودانىڭ جانە باسقا دا بەس تاجىك ءجۋرناليسىنىڭ سوتى قۇپيا جاعدايدا ءوتتى، ولارعا دالەلسىز ايىپ تاعىلدى", - دەپ مالىمدەدى.

CPJ تاجىكستان بيلىگىنەن ءپىرمۇحاممادزودا مەن سوتتالعان باسقا دا جۋرناليستەردى تەز ارادا بوساتۋدى، سونىمەن بىرگە تاۋەلسىز ءباسپاسوزدى قۋدالاۋدى دوعارۋدى تالاپ ەتتى.

26 جەلتوقساندا جابىق وتكەن سوت ءپىرمۇحاممادزودانى جەتى جىلعا سوتتادى. تاجىك بلوگەرىنىڭ تۋىستارىنىڭ ايتۋىنشا، وعان ەلدە تىيىم سالىنعان ۇيىمدارمەن بايلانىستى دەگەن ايىپ تاعىلعان. جۋرناليست پەن ونىڭ تۋىستارى بۇل ايىپتى نەگىزسىز دەپ ەسەپتەيدى.