27 قاراشادان بەرى جىلۋسىز قالعان ەكىباستۇر قالاسىنىڭ جىلۋ ەلەكتر ورتالىعى ۋچاسكەلىك باستىعىنىڭ ءمايتى ءوز كولىگىنەن تابىلدى. بۇل تۋرالى جەرگىلىكتى باق-تا جازىلدى.

1989 جىلى 20 تامىزدا تۋعان سەرگەي ۆيدلوگتىڭ دەنەسى 4 جەلتوقسان كۇنى تۇندە ءوزىنىڭ  "ۆاز-21099" اۆتوكولىگىنەن تابىلعان.

"بۇل ءىس ەكىباستۇز قالالىق پوليتسيا دەپارتامەنتىنە تىركەلدى. تەكسەرىس ءجۇرىپ جاتىر", - دەيدى قالالىق پوليتسيا وكىلدىگى.

رەسمي ورگاننىڭ الدىن الا تارقاتقان مالىمەتىنشە: سەرگەي ۆيدلوگتىڭ دەنەسىنەن زورلىق-زومبىلىق ءىزى بايقالماعان، قىلمىستىق كودەكستىڭ ء"وز-وزىنە قول جۇمساۋعا جەتكىزۋ" بابى بويىنشا قىلمىستىق ءىس قوزعالىپ جاتىر.

بۇعان دەيىن قالا اكىمدىگى تۋنداعان جاعدايدىڭ ورنىنا كەلىپ جاتقانىن ازىرگە كوپ قاباتتى 11 ءۇي جىلۋ جەتپەي تۇرعانىن حابارلاعان بولاتىن. الايدا، جەرگىلىكتى تۇرعىندار مەن تاۋەلسىز جۋرناليستەر بۇل اقپاراتتىڭ شىندىققا جاناسپايتىتىن ايتۋدا.

جەلتوقسان ايىندا ۇكىمەت ەكىباستۇزداعى بارلىق پروبلەمالىق 71 كوپقاباتتى تۇرعىن ءۇيدىڭ جەرتولەلەرىنە جىلۋ بلوكتارى بەرىلەتىنىن حابارلاعان. 1,2 مىڭعا جۋىق پاتەر ءالى كۇنگە دەيىن جىلۋسىز وتىرعانى ايتۋلۋدا.