مامين، جاقسىبەكوۆ، نىعماتۋلين ۇشەۋىنىڭ جولىعۋىندا نە سىر بار؟

بۇگىن جەلىدە پايدا بولعان قازاقستاننىڭ بۇرىنعى پرەمەر-ءمينيسترى اسقار ءماميننىڭ، ءماجىلىستىڭ بۇرىنعى سپيكەرى نۇرلان نىعماتۋلين جانە قازاقستان فۋتبول فەدەراتسياسىنىڭ بۇرىنعى پرەزيدەنتى ادىلبەك جاقسىبەكوۆپەن بىرگە تۇسكەن سۋرەتى كوپشىلىكتىڭ نازارىن اۋدارتتى، دەپ جازدى اراشا پورتالى.

بۇل سۋرەت ەلورداداعى Lugano يتاليا مەيرامحاناسىندا جاقىندا تۇسىرىلگەن، ونى ءماميننىڭ ءوز دە راستادى. بۇل مەيرامحانا مامينگە تيەسىلى. كوپشىلىكتى بۇلار نەنى تالقىلاۋى مۇمكىن دەگەن ماسەلە الاڭداتقان ەدى. كوپ ۇزاماي ءماميننىڭ ءوزى وعان قاتىستى مالىمدەمە جاساپ، بۇل «سىرعا سالۋ» تويىن تالقىلاۋ ماقساتىندا وتكىزىلگەن جيىن ەدى دەگەن جاۋاپ قاتتى. بىراق بۇل وتە ءساتسىز شىققان جاۋاپ بولدى دەسەك بولادى.

«قازاقستان پرەزيدەنتى قاسىم-جومارت توقاەۆ كەزەكتەن تىس پرەزيدەنتتىك سايلاۋ تۋرالى ايتىلقالى مۇنداي جيىننىڭ ۇيىمداستىرىلۋى تەكتەن-تەك ەمەس. ونىڭ ۇستىنە سوڭعى كەزدەرى ەلدەگى قوعامدىق-ساياسي جاعدايدى تۇراقسىزداندىرۋ ءۇشىن مەكتەپتەرگە، اۋەجاي، مەملەكەتتىك جانە جەكە مەكەمەلەرگە جارىلعىش زات قويىلعانى تۋرالى ءانانيمدى قوڭىراۋلار كوپتەپ تۇسە باستاعان»،- دەپ جازدى nursolovej تەلەگرام كانالى.

تىپتەن، جۋرناليست ميحايل كوزاچكوۆ قوستانايداعى دالا ءورتى دە قاساقانا ۇيىمداستىرىلۋى مۇمكىن دەگەن بولجام جاساپ وتىر، ونى سول جەردىڭ تۇرعىندارى دا قوستايدى.

الماتى وبلىسىندا ورىن العان تاعى ءبىر ءىرى ءورت جاعدايى ديۆەرسيا تۋرالى اقپاراتتى راستاي تۇسەتىندەي، ياعني «ەسكى قازاقستاننىڭ» كەيبىر ىقپالدى وكىلدەرىنىڭ ءىسى بولۋى مۇمكىن، ەگەر راسىمەن سولاي بولسا، ولارعا ءتيىستى جاۋاپ بەرىلەدى دەگەن ءسوز.

«وسىنداي راديكالدى ارەكەتتەرگە مامين، نىعماتۋللين جانە جاقسىبەكوۆتىڭ قاتىسى بار ما، دەگەنمەن ولاردىڭ كەزدەسۋى كەزەكتەن تىس پرەزيدەنت سايلاۋىنا قاتىستى بولعانى ءسوزسىز. ونىڭ ۇستىنە پرەزيدەنت سايلاۋى كامپانياسىنا ىقپال ەتكىسى كەلەتىنى نەمەسە سايلاۋعا تۇسكىلەرى كەلەتىنى دە ايقىن. سايلاۋعا نىعماتۋلين ءتۇسۋى ابدەن مۇمكىن، ول ۇلى جۇزدەن بولماعانىمەن، شاپىراشتىنىڭ قىزىن الىپ وتىر. الايدا، نىعماتۋليننىڭ ەتنيكالىق تاتار ەكەنىن ەسكەرسەك، نازارباەۆتار وتباسىنىڭ باسقا وكىلدەرى ونىڭ توڭىرەگىنە بىرىگۋى وتە كۇماندى، سونىمەن قاتار بانديتيزم، رەكەت جانە ۇلدارىنىڭ ءجونسىز مىنەز-قۇلقىنا بايلانىستى ول ءۇشىن سايلاۋ ناۋقانىنىڭ ءوزى سىبايلاس جەمقورلىققا قاتىستى جانجالعا اينالۋى مۇمكىن»، – دەپ جازدى تەلەگرام كانالى.