بۇگىن الماتى قالاسىنداعى «قازاقستان» قوناق ۇيىندە ءبىر توپ ازامات دەموكراتيالىق كۇشتەر كواليتسياسىن قۇرىپ ۇندەۋ جاساپ جاتقان تۇستا «Oyan, Qazaqstan» قوزعالىسى دا كەزەكتەن تىس پرەزيدەنت سايلاۋىنا قاتىستى ءوز مالىمدەمەلەرىن جاسادى. 

ساياسي رەفورما تالاپ ەتۋشى Oyan, Qazaqstan قوزعالىسىنىڭ سايلاۋعا قاتىستى مالىمدەمەسى

ءبىز، قازاقستاندىقتار — ەركىندىك پەن بەيبىتشىلىكتى سۇيەتىن، ءوز بولاشاعىمىزدى ءوزىمىز باعدارلاي الاتىن ازاماتتارمىز! ءبارىمىز ءادىل سايلاۋ مەن اشىق ساياسي جۇيەگە لايىقتىمىز دەپ سانايمىز.
سوندىقتان ءبىز بۇل پرەزيدەنتتىك سايلاۋدى زاڭدى دەپ تانىمايمىز. مەرزىمىنەن بۇرىن جانە اسىعىس سايلاۋ ادىلەتتى بولا المايدى.
ءبىز كەزەكتەن تىس سايلاۋدى، ونىڭ ناتيجەلەرىن مويىندامايمىز جانە بارلىق وتانداستارىمىزدى سوعان شاقىرامىز.
ءبىز ناقتى وزگەرىستەردى قالايمىز جانە ول وزگەرىستەر ساياسي رەفورمالاردان، قۋعىن-سۇرگىننەن باس تارتۋدان، قۇقىقتار مەن بوستاندىقتاردى باسىپ-جانشۋدان باس تارتۋدان باستالۋ كەرەك دەپ سانايمىز.
وسىعان بايلانىستى ءبىز مىنالاردى تالاپ ەتەمىز:
1. سايلاۋ جۇيەسىنىڭ تولىق رەفورماسى وتپەيىنشە كەزەكتەن تىس پرەزيدەنتتىك سايلاۋدان باس تارتۋدى تالاپ ەتەمىز.
2. سايلاۋ جۇيەسىن رەفورمالاۋ جانە پرەزيدەنتتىك، پارلامەنتتىك جانە ءماسليحاتتار سايلاۋىن وتكىزۋ ەرەجەلەرىن وزگەرتۋ قاجەت. رەفورما حالىقارالىق ستاندارتتارعا جانە ەلدىڭ دەموكراتيالى قوعامدا ءادىل سايلاۋ وتكىزۋ جونىندەگى مىندەتتەمەسىنە سايكەس جۇرگىزىلۋى ءتيىس.
3. پرەزيدەنتتىككە كانديداتتارعا قويىلاتىن تالاپتاردى جەڭىلدەتۋ قاجەت.
4. ساياساتقا قاتىسۋعا بارلىق ازاماتتارعا مۇمكىندىك بەرىلۋى ءتيىس. قازاقستان رەسپۋبليكاسىنىڭ كونستيتۋتسياسى بويىنشا بيلىكتىڭ نەگىزگى قاينار كوزى — حالىق.
5. بارلىق ساياسي تۇتقىنداردى جانە كانتاردا قاتىسقانى ءۇشىن قۋعىنعا ۇشىراعانداردى، سونىڭ ىشىندە زاڭسىز ۇستالعان جانبولات مامايدى بوساتۋدى تالاپ ەتەمىز!
بيلىكتى نازارباەۆتىڭ ادىسىمەن باسىپ الۋ باياعى ناتيجەگە، ياعني كەدەيشىلىك پەن قانتوگىسكە اكەلەتىنىن قاسىم-جومارت توقاەۆ ءتۇسىنۋى كەرەك.
تەك بارشا قازاقستاندىقتاردىڭ ەل باسقارۋعا قاتىسۋى گۇلدەنگەن، قۋاتتى ەلگە اپارار جول.
ويان، قازاقستان!، – دەگەن مالىمدەمە جاسادى.

“The Qazaq Times”