قازاقستان پرەزيدەنتى قاسىم-جومارت توقاەۆ 20 قىركۇيەكتە الماتىداعى اتىس كەزىندە قازا بولعان ەكى پوليتسەي مەن سوت ورىنداۋشىسىن ماراپاتتادى. مەملەكەت باسشىسىنىڭ ارنايى جارلىعى اقوردانىڭ رەسمي سايتىندا جاريالاندى.
توقاەۆ جارلىعىنا سايكەس، الاتاۋ اۋداندىق پوليتسيا باسقارماسىنىڭ ۋچاسكەلىك ينسپەكتورلارى نۇربول بايعازيەۆ پەن دارحان سۇلەەۆ – 2-دارەجەلى "ايبىن" وردەنىمەن، جەكە سوت ورىنداۋشىلارى رەسپۋبليكالىق پالاتاسىنىڭ مۇشەسى مۇرات ابەنوۆ "ەرلىگى ءۇشىن" مەدالىمەن ماراپاتتالدى.
ءبىر اپتا بۇرىن الماتى قالاسى الاتاۋ اۋدانى اقبۇلاق ىقشاماۋدانىنىڭ تۇرعىنى يگور دۋجنوۆ ۇيدەن شىعارۋ تۋرالى سوت شەشىمىن ورىنداتۋعا كەلگەن سوت ورىنداۋشىلارىنا، ۋچاسكەلىك پوليتسيا ينسپەكتورلارى مەن توتەنشە جاعداي دەپارتامەنتى قىزمەتكەرلەرىنە وق اتقان. اتىستان بەس ادام - ەكى پوليتسيا قىزمەتكەرى، ءبىر سوت ورىنداۋشى جانە ءۇيدىڭ جاڭا يەسى مەن ونىڭ دوسى قازا بولعان. وقيعاعا بايلانىستى "ادام ءولتىرۋ" جانە "بيلىك وكىلىنە كۇش قولدانۋ" بابى بويىنشا ەكى قىلمىستىق ءىس قوزعالدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟