اقش-تا جازۋشى، جۋرناليست ەرنەست حەمينگۋەيگە ۇقساس ادامداردىڭ بايقاۋى ءوتتى.

وعان بيىل شامامەن 140 ادام قاتىسقان. جازۋشى 1931-1939 جىلدار ارالىعىندا كي-ۋەست ارالىندا تۇرعان. سول ءۇشىن مۇندا «حەمينگۋەي كۇندەرى» اتتى فەستيۆال اياسىندا وعان ۇقساس ادامداردىڭ بايقاۋىن جىل سايىن وتكىزۋ داستۇرگە اينالعان.

قاتىسۋشىلار بىردەي كيىنىپ قانا قويماي، ساقال وسىرەدى. شارادان بولەك فەستيۆال اياسىندا 5 شاقىرىم قاشىقتىققا جۇگىرۋ جانە مانەرلەپ وقۋدان سايىس وتەدى.

جازۋشى ەرنەست ميللەر حەمينگۋەي ەكىنشى دۇنيەجۇزىلىك سوعىستان كەيىن 1954 جىلى جازىلعان «شال مەن تەڭىز» پوۆەسى ءۇشىن نوبەل سىيلىعىنىڭ لاۋرەاتى اتاندى.حەمينگۋەي حح عاسىردىڭ 30-جىلدارى «بۇقا ءمۇيىزى»، «فرەنسيس ماكومبەردىڭ قىسقا باقىتى»، «كيليماندجارو قارى» ت.ب. تۋىندىلارىن جانە قوعامداعى الەۋمەتتىك قايشىلىقتاردى سىنعا الاتىن «بار مەن جوق» رومانىن جازدى. يسپان ءداۋىرى جازۋشى شىعارماشىلىعىنىڭ ورلەۋ كەزەڭى بولدى. بۇل تۇستا ونىڭ كوپتەگەن وچەركتەرى، رەپورتاجدارى، «بەسىنشى كولوننا» پەساسى، «قوڭىراۋ كىمگە سوعىلادى؟» رومانى جارىق كوردى.

2000 جىلى حەمەنگۋەيدىڭ پوۆەستى «قارت پەن تەڭىز» (ستاريك ي مورە) بويىنشا تۇسىرىلەن مۋلتفيلم  «وسكار» يەمدەنگەن بولاتىن.

"The Qazaq Times"