وزبەك-تاجىك شەكاراسىندا قارۋلى قاقتىعىس بولدى

تءاجىك-ءوزبەك شەكاراسىندا قارۋلى قاقتىعىس بولدى. نءاتيجەسىندە ءوزبەك شەكاراشىسى تءاجىك ازاماتىنا قارسى وق اتقان.

وزبەكستاننىڭ مەملەكەتتىك شەكارانى قورعاۋ جونىندەگى ۇلتتىق قاۋىپسىزدىك قىزمەتىنىڭ مالىمەتىنشە، 15 ساۋىردە سۇرحانداريا وبلىسى قۇرىقساي ەلدى مەكەنىندە وزبەك شەكاراشىلارى تاجىكستاننان وزبەكستانعا قاراي ايدالىپ بارا جاتقانى ءىرى قارا مالدى كورەدى. وزبەك شەكاراشىلارى ءبىر ءۇيىر مالدى كەرى قايتارادى.

وسى ۋاقىتتا تاجىكستاننان وزبەكستانعا بەت الىپ بارا جاتقان بەلگىسىز ءۇش ادامدى اڭعارادى. ولار 50 مەتردەي جەرگە جاقىنداعانعا دەيىن، "مالدى شىعارىڭدار" دەگەن شاعىمعا ءمان بەرمەگەن.

«ولار شەكاراشىلاردىڭ مالدى تاجىكستان اۋماعىنا كەرى قايتارىڭدار دەگەن سوزگە قۇلاق اسپادى. قولدارىنداعى پىشاقپەن بىزگە شابۋىل جاسادى. ناتيجەسىندە تاجىكستان ازاماتى اسليددين شويموۆ اتىلعان وقتان جاراقات الىپ، سول جەردە قازا تاپقان. ەكى زاڭ بۇزۋشىلار ىزدەرىن جاسىرىپ ۇلگەردى»، – دەپ مالىمدەيدى وزبەك ارنايى قىزمەتى.

ءوز كەزەگىندە تاجىكستاننىڭ شەكارا اسكەرى باس باسقارماسى وزبەك شەكاراشىسىنىڭ ايتقاندارىن جوققا شىعاردى.

“The Qazaq Times”