ەو-دان باس تارتقان ۇلىبريتانيا ازاماتتارى جاپپاي يرلانديا تولقۇجاتىن الۋدا

ۇلىبريتانيانىڭ ەۋرووداقتان باس تارتۋى، بريتاندىقتاردىڭ شەتەل پاسپورتتارىنا دەگەن «قىزىعۋشىلىعىن» ارتتىردى دەپ حابارلايدى «شينحۋا» اگەنتتىگىنىڭ رەسمي سايتى. يرلانديا ساۋدا جانە سىرتقى ىستەر دەپارتامەنتىنىڭ 15 ساۋىردەگى حابارىنا قاراعاندا، بيىلعى جىلدىڭ العاشقى توقسانىندا ۇلىبريتانيا ازاماتتارىنان يرلانديا پاسپورتىنا ءوتىنىش بەرگەندەردىڭ سانى بىلتىرعىدان 68 پايىزعا كوبەيگەن.

اتالعان دەپارتامەنتتىڭ كورسەتكەن مالىمەتىنە سۇيەنسەك، قاڭتار اينان ناۋرىزعا دەيىنگى مەزگىلدى 51000 بريتاندىق ازامات يرلانديا تولقۇجاتىنا ءوتىنىش بەرگەن. ال وتكەن جىلعى ۇقساس مەزگىلدە 30300 ادام وسىنداي ءوتىنىش جاساعان بولاتىن.

يرلانديانىڭ ساۋدا جانە سىرتقى ىستەر ءمينيسترى چارلز فلاناگان «Guardian» باسىلىمىنا بەرگەن جاۋابىندا بۇعان ۇلىبريتانيانىڭ ەو-دان باس تارتۋى تىكەلەي سەبەپ بولعان. ول سوزىندە: «بۇل قالىپتاسقان ۇردىسكە، يرلانديا مەن انگليا اراسىنداعى قۇبىلمالى قارىم-قاتىناستىڭ دا وزىندىك ىقپالى بار. يرلانديالىق باسىم كوپ ساندى ازاماتتار ءالى كۇنگە دەيىن ەۋروپالىق وداقتىڭ مۇشەسى بولۋلارىن قالايدى»، – دەدى.

وتكەن جىلدىڭ ماۋسىم ايىندا حالىقتىق داۋىسقا ساۋال ارقىلى 52 پايىز باسىم داۋىسپەن، ۇلىبريتانيا ۇكىمەتى ەو-دان باس تارتۋعا شەشىم قابىلداعان بولاتىن. 29 ناۋرىزدا ەۋرووداقتان رەسمي باس تارتۋ حاتىن ۇسىندى. سونىمەن ۇلىبريتانيانىڭ ەۋروپالىق وداقتان شىعۋ پروتسەسى رەسمي جۇرىلە باستاعان بولاتىن. ال، بۇگىنگى مالىمەتكە سەنەر بولساق، ەو-دان باس تارتۋدى قالاماعان 48 پايىز حالىقتىڭ باسىم بولەگى يرلانديالىقتار بولىپ وتىر.

The Qazaq Times