گرۋزيادا قايتىس بولعان قازاقستاندىق اسەل ايتپاەۆانىڭ ولىمىنە كۇدىكتى رەتىنە ونىڭ جەزدەسى مۇرات مەيىربەكوۆ ۇستالىپ، استاناداعى تەرگەۋ يزولياتورىنا قامالدى. بۇل اقپاراتتى كەشە، 16 مامىردا ىشكى ىستەر مينيسترلىگىنە تيەسىلى polisia.kz سايتى حابارلادى.
"نۇر-سۇلتان قالاسى پوليتسيا دەپارتامەنتى گرۋزيادا قايتىس بولعان قازاقستان ازاماتى ا.ايتپاەۆانىڭ اتا-اناسىنىڭ م.مەيربەكوۆكە قاتىستى شارا قابىلداۋ تۋرالى ارىزىنىڭ نەگىزiندە قىلمىستىق كودەستىڭ 128-بابى (ادام ساۋداسى) بويىنشا سوتقا دەيىنگى تەرگەپ-تەكسەرۋدi باستادى. اۋىر قىلمىس جاسادى دەپ كۇدiككە ىلىنگەن م.مەيربەكوۆ ۇستالىپ، نۇر-سۇلتان قالاسى پوليتسيا دەپارتامەنتىنiڭ ۋاقىتشا ۇستاۋ يزولياتورىنا قامالدى" دەلىنگەن سايت تاراتقان حابارلامادا.
اسەل ايتپاەۆا 5 مامىر تۇندە گرۋزيا استاناسى تبيليسيدە قايتىس بولعان. ونىڭ ءمايىتىن كوپقاباتتى ءۇيدىڭ ماڭىنان تاپقان. گرۋزيا تەرگەۋشىلەرى قىزدىڭ زورلانعانىن مالىمدەگەن. تبيليسي پوليتسياسى كۇدىكتى رەتىندە گرۋزيانىڭ 57 جاستاعى ازاماتى بەسيك توردۋانى قاماۋعا العانى حابارلاعان. وعان "ادام زورلادى" جانە "سۋيتسيدكە جەتكىزدى" دەگەن ايىپ تاعىلدى.
گرۋزيا باس پروكۋراتۋراسى مۇرات مەيىربەكوۆكە دە سىرتتاي ايىپ تاققان. پروكۋراتۋرانىڭ دەرەگىنشە، توردۋا قىزدى زورلاعان، كەيىن ايتپاەۆا سەگىزىنشى قاباتتىڭ بالكونىنان سەكىرىپ كەتكەن.
"ازاتتىقتىڭ گرۋزين قىزمەتى توردۋانىڭ تەرگەۋىنىڭ كوشىرمەسىن الا العان. ول تەرگەۋدە قازاقستاندىق سەرىكتەسىمەن ءساۋىردىڭ باسىندا "قازترانساۆتو" كومپانياسىن قۇرعانىن، ال اسەل ايتپاەۆا جەزدەسى مەيىربەكوۆتىڭ شاقىرۋىمەن 27 ساۋىردە كەلگەنىن ايتادى. توردۋانىڭ تۇسىندىرۋىنشە، ايتپاەۆا باسىندا مەيىربەكوۆپەن تۇرعان، كەيىن ايتپاەۆا وعان مەيىربەكوۆ ءوزىن ەكى رەت زورلاعانىن ايتقان. توردۋانىڭ سوزىنشە، "مەيىربەكوۆ تيىسكەن سوڭ" ايتپاەۆا ونىڭ ۇيىنە تۇرۋعا كەلگەن. توردۋا 4 مامىردا ايتپاەۆامەن كەلىسىم بويىنشا جىنىستىق قاتىناسقا تۇسكەنىن، كەيىن ءوزى دۋشقا كەتكەندە ايتپاەۆا ۇيدە بولماعانىن ايتقان" دەپ جازدى ازاتتىق راديوسى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى