دەنساۋلىق ساقتاۋ مينيسترلىگىنىڭ مالىمەتىنشە، قازاقستاندا ۆاكتسينانىڭ العاشقى دوزاسىن العان 1,5 ملن ادامنىڭ شامامەن 0,02%-ىنا ۆيرۋس جۇققان.
5 مامىر، سارسەنبىدە مينيستر الەكسەي تسويدىڭ قاتىسۋىمەن ورتكومدا وتكەن بريفينگتە ەكپەنىڭ ءبىرىنشى دوزاسى 1 ملن 487 قازاقستاندىققا ەگىلگەنى جانە ونىڭ شامامەن 300-دەيى اۋىرعانى حابارلاندى. رەسمي مالىمەتكە سايكەس، 400,7 مىڭ ادام ەكى دوزانى تولىق العان.
«جالپىلاي ايتقاندا، جالپىحالىقتىق ۆاكتسيناتسيا ناۋقانى بەلسەندى ءجۇرىپ جاتقانىنا كۋا بولىپ وتىرمىز. جۇرتتىڭ ەكپەگە سەنىمى ارتتى. ۆاكتسينا العان 1,5 ملن ادامنىڭ شامامەن 0,02%-ىنا (شامامەن 300 ادام) عانا ۆيرۋس جۇققان. بۇل ۆاكتسينانىڭ ءتيىمدى ەكەنىن، جەمىسىن ايقىن كورسەتەدى»، – دەدى الەكسەي تسوي.
ازاتتىق راديوسىنىڭ حابارلاۋىنشا، مينيسترلىك اقپارات قۇرالىنا بەرگەن جاۋابىندا 29 ءساۋىر كۇنگى مالىمەت بويىنشا ەلدە ۆاكتسينانىڭ ەكى دوزاسىن العاندار اراسىندا 31 ادامعا ۆيرۋس جۇققان دەپ مالىمدەگەن.
بىلتىرعى ناۋرىزدان بەرى كوۆيدتەن اۋىرعاندار سانى 385 مىڭنان (332 مىڭ كوروناۆيرۋس، 53 مىڭ وسىعان ۇقساس پنەۆمونيا) اسقان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى. پاندەميا باستالعالى جالپى ۆيرۋس جۇققانداردىڭ 6232-ءسى (كۆي+ / U07.1 – 3796, كۆي- / U07.2 – 817, ىلەسپە اۋرۋلاردان – 1619) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى.
قازاقستان ۆيرۋس تارالۋى بويىنشا الەمدە Worldometers دەرەكقورى، دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 47-ورىندا تۇر.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى