مەركەل مەن بايدەن ءپۋتيننىڭ ارەكەتىن تالقىلادى. فوتو: انادولى.

اق ءۇيدىڭ رەسمي مالىمدەمەسىنە قاراعاندا جو بايدەن گەرمانيا كانتسلەرى انگەلا مەركەلگە قوڭىراۋ شالىپ، ۋكراينا-رەسەي اراسىنداعى قاۋىپتى تالقىلاعان.

گەرمانيا مەن قۇراما شتاتتاردىڭ جەتەكشىلەرى رەسەيدىڭ قىرىم مەن ۋكراينانىڭ شىعىس شەكارالارىدا اسكەرلەرىمەن قاتار اسكەري تەحنيكالارىن توپتاستىرىپ جاتقانىنا الاڭداۋشىلىق بىلدىرگەن. سويلەسۋ بارىسىندا بايدەن مەن مەركەل حانىم ۋكراينانىڭ تۇتاستىعىن، قاۋىپسىزدىگىن قورعاۋعا كۇش سالۋعا تاعى ءبىر رەت ءسوز پىسىرگەن.

رەسمي مالىمدەمەدە، ەكى ەل باسشىلارى رەسەي تاقىرىبىنان تىس ىندەتكە قارسى كۇرەس جانە دەنساۋلىق ساقتاۋ سالاسىنىڭ جاھاندىق دامۋى تۋرالى دا اڭگىمە وربىتكەن.

گەرمانيا قۇراما شتاتتار مەن ناتو كۇشتەرىنە شىعىس ەۋروپا مەن تۇتاس ترانساتلانتيكالىق قاۋىپسىزدىك ۇيىمىنا مۇشە ەلدەردىڭ قاۋىپسىزدىگىن قورعاۋعا قولداۋ كورسەتەتىنىن، سوعان قوسا ۋاشينگتوننىڭ اۋعانستاننان اسكەر شەگىندىرۋ شەشىمىنە دە وڭ كوزىمەن قارايتىنىن ايتىپتى.

“The Qazaq Times”