اقش مەملەكەتتىك دەپارتامەنتىنىڭ مالىمەتىنە قاراعاندا، قىتاي مەن سولتۇستىك كورەيانىڭ ارتىپ كەلە جاتقان قاتەرى بايدەن اكىمشىلىگىنىڭ شەتەلدىك ساپارلارىن جوسپارلاۋعا ۇلكەن اسكەرىن تيگىزۋدە.

بۇگىن اقش مەم. حاتشىسى انتوني بلينكەن مەن قورعانىس ءمينيسترى لويد وستين شىعىس ازياداعى وداقتاستارى – جاپونيا مەن وڭتۇستىك كورەياعا ساپارلاي بارماق. ولار ساپارىنىڭ ماقساتى رەتىندە وداقتاس ەلدەرمەن ديپلوماتيالىق جانە قورعانىس ىنتىماقتاستىعىن تەرەڭدەتۋدى كوزدەپ وتىر. ال، وسى اپتادا بايدەن مەن بلينكەننىڭ قاۋىپسىزدىك جونىندەگى كەڭەسشىسى جەيك سالليۆان الياسكادا قىتاي دەلاگاتسياسىمەن كەزدەسەتىن بولادى. جوعارىدا اتاپ وتكەندەي، قاۋىپسىزدىك ماسەلەسىنە بايلانىستى، بلينكەن مەن وستين رەسمي كەزدەسۋدەن باسقا جۋرناليستەردى، ازاماتتىق قوعام وكىلدەرىمەن كەزدەسۋدىڭ ءبارىن ونلاين رەجيمگە اۋىستىرىپ وتىر.

بۇعان دەيىن بەلگىلى بولعانداي، بايدەن بيلىگى جۇمىسىنىڭ العاشقى اپتالارىندا-اق، ءۇندى-تىنىق مۇحيتىنداعى قاۋىپسىزدىك ماسەلەسىن باستى ورىنعا قوياتىنىن، وسى ايماقتاعى قىتايدىڭ ىقپالىنا قارسى شارالاردى باسا نازارعا ۇستايتىنىن اڭعارتقان ەدى. بايدەن جاريالاعان «امەريكا قۇراما شتاتتارى قايتا ورالدى» دەگەن مالىمدەمە، بۇل ايماقتاعى ىقپالىن بارعان سايىن العا جىلجىتىپ كەلە جاتقان قىتاي، سولتۇستىك كورەيا سەكىلدى ەلدەردىڭ ۇكىمەتتەرىنە اشىق ەسكەرتۋ بولعانى شىن.

قازىر، بايدەن ۇكىمەتىنىڭ شەنەۋنىكتەرى وسى ايماقتاعى وداقتاس-سەرىكتەس ەلدەرمەن كەزدەسۋلەردە قىتاي مەن سولتۇستىك كورەيادان كەلەتىن قاۋىپ-قاتەرلەرگە دە بۇرىنعىدان كورى كوبىرەك كوڭىل بۇرۋدا. اقش شەنەۋنىكتەرىنىڭ سەنبىدەگى تاراتقان مالىمدەتىنە قاراعاندا، اقپان ايىنان بەرى بايدەن اكىمشىلىگى ءتۇرلى ارنالاردى پايدالانىپ سولتۇستىك كورەيامەن بايلانىس ورناتۋعا تىرىسقان. الايدا، پيوڭياڭ (سولتۇستىك كورەيا ورتالىق قالاسى/ ورىسشا: پحەنيان) تارابىنان ەش جاۋاپ الا الماعان.

“The Qazaq Times”