انگەلا مەركەل گەرمانيادا كارانتين رەجيمىن 28 ناۋرىزعا دەيىن ۇزارتقان بولاتىن. قازىر ەلدە ۆيرۋستىڭ تارالۋ قارقىنى باسەڭدەي باستاعان. وسىعان بايلانىستى گۇل دۇكەندەرى، ءسان سالوندارى مەن جاتتىعۋ زالدارى قايتادان اشىلدى.
جاڭا ەرەجەگە ساي، 100 مىڭ تۇرعىنعا شاققاندا ناۋقاستار سانى 50 ادامنان اسپاعان وڭىرلەردە مۋزەيلەر، گالەرەيالار، باقتار، كىتاپ جانە گۇل ساتاتىن دۇكەندەر، سونداي-اق باۋ-باقشا زاتتارىنا ارنالعان بازارلار اشىلادى. تەك تۇتىنۋشىلار كەلەتىنىن الدىن الا ەسكەرتۋى ءتيىس. سونىمەن قاتار، كەلەسى اپتادان باستاپ COVID-19 ۋشىقپاعان جاعدايدا تەاترلار، كونتسەرت، وپەرا زالدارىنا جانە كينوتەاترلارعا بارۋعا رۇقسات بەرىلمەك.
بۇعان دەيىن دۇنيەجۇزىلىك دەنساۋلىق ساقتاۋ ۇيىمى COVID-19-دىڭ تۇرلەنۋى قالىپتى جاعداي ەكەنىن ايتقان بولاتىن. دەگەنمەن، ءبىر اپتانىڭ ىشىندە كوروناۆيرۋسقا شالدىققانداردىڭ سانى بۇعان دەيىنگى كەزەڭمەن سالىستىرعاندا 7%-عا ارتقان. ىندەت، اسىرەسە، ەۋروپا ەلدەرىندە، وڭتۇستىك شىعىس ازيا، سولتۇستىك جانە وڭتۇستىك امەريكادا ۋشىعىپ تۇر.
سوڭعى ءبىر اپتادا كوروناۆيرۋستىڭ بريتاندىق شتامى تاعى 5 ەلدە تىركەلگەن. قازىر ۆيرۋستىڭ بۇل ءتۇرى تابىلعان ەلدەردىڭ قاتارى 106-عا جەتسە، وڭتۇستىكافريكالىق شتام 56 مەملەكەتتە تابىلعان. ال برازيليالىق شتامم 29 ەلدە تىركەلگەن.
الەمدە ۆيرۋس جۇقتىرعاندار سانى 117 ميلليونعا جەتتى. گەرمانيادا 2,51 ميلليون كەيس تىركەلىپ، 70 مىڭنان استام ادام اجال قۇشقان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟