ورتا ازيادا قازاق جانە ورىس تىلدەرىندە اعارتۋشىلىق باعىتتاعى masa.media اتتى ونلاين-ينتەرنەت باسىلىمى ىسكە قوسىلدى. ينتەرنەت باسىلىم ساياسات، قۇقىق جانە زاڭناما جۇيەسىن تۇسىندىرەدى. سونداي-اق سايت مۇمكىندىگىنە قاراي كونسۋلتاتيۆتى پلاتفورما رەتىندە پراكتيكامەن دە اينالىسۋدى ماقسات تۇتادى.
«باسىلىمنىڭ اتىن «ماسا» تاڭداۋىمىز كەزدەيسوق ەمەس. اقىن، اعارتۋشى، عالىم، الاش پارتياسىنىڭ مۇشەسى احمەت بايتۇرسىنوۆتىڭ ولەڭدەر جيناعى ءدال وسى ولەڭىمەن باستالادى»، – دەيدى Masa.media-نىڭ نەگىزىن قالاۋشىلار احاڭنىڭ جولىنا ءتۇسىپ.
«Masa.media-نىڭ ميسسياسى – قازاقستاننىڭ جارقىن بولاشاعى ءۇشىن جاستاردى اعارتۋ جانە ولاردىڭ ءبىلىمىن ارتتىرۋ. جوبا اۋديتورياسى – 14-35 جاس ارالىعىنداعى ازاماتتار. ولار – اينالاسىنا بەي-جاي قارامايتىن، بەلسەندى، جاڭا بىلىمگە يكەمى بار، جاڭارۋعا قۇلشىنىپ تۇرعان ازاماتتار. ەلدىڭ بولاشاعى – سولاردىڭ قولىندا. ونى ءدال سولار وزگەرتە الادى»، – دەيدى جوبانىڭ اۆتورلارى.
باسىلىمنىڭ نەگىزگى يەلەرى جۋرناليست، مەديا-مەنەدجەر، ازاماتتىق بەلسەندىلەر ايسانا ءاشىم (The Village قازاقستان) جانە اسەم جاپيشەۆا («ءتىل كەسپەك جوق»).
الەۋمەتتىك ستاتۋسى، ماماندىعى مەن جىنىسىنا قاراماي بارلىق ازاماتتىڭ زاڭ مەن قۇقىقتى ءوز ومىرىندە پايدالانۋعا سەپتەسۋدى كوزدەيتىن جوباعا رەداكتسيا ۇجىمى تىلەكشى ەكەنىن بىلدىرەدى. جوبا جەتەكشىلەردىڭ جەكە قاراجاتىنان قارجىلاندىرىلادى.
Masa.media ترافيك ءۇشىن ەمەس، جاستاردى ءوز قۇقىعى مەن ساياسي پروتسەستەرگە قىزىعۋشىلىعىن ارتتىرىپ، سول تۋرالى تەرەڭ ءبىلىم الۋى ءۇشىن جۇمىس ىستەمەك. «باسىلىمنىڭ باستى ماقساتتارىنىڭ ءبىرى – سوعان قازاق تىلىندە سويلەيتىن وقىرمانداردى تارتۋ. سەبەبى ءدال وسى اۋديتوريا قۇقىق، ساياساتقا قاتىستى ساپالى جانە ۋاقىتىلى اقپاراتتىڭ جوقتىعىنان كوپ زارداپ شەگىپ وتىر»، – دەيدى جوبا جەتەكشىلەرى.
Masa.media ءوز اۋديتورياسىنىڭ زاڭ مەن قۇقىقتى داستارحان باسىندا ەمەس، چاتتاردا، پىكىرتالاس الاڭىندا اشىق تالقىلاپ، كۇندەلىكتى ومىردە پايدالانا الۋىنا ۇيىتقى بولا الساق دەگەن مۇرات قويعانىن جاريالادى.
«ءبىز ساياساتكەرلەردىڭ تۇسىنىكسىز تىلدە سويلەۋىنەن، جاستاردى ساياساتقا تەك ءسوز جۇزىندە ارالاستىرۋىنان، زاڭسىزدىق پەن باسسىزدىققا كوم جۇما قاراۋدان شارشادىق» شارشادىق دەگەن اۆتورلار اعارتۋشىلىق جوبانى «ساۋىت-قارۋ» رەتىندە پايدالاۋعا شاقىرادى. جاڭا جوباعا The Qazaq Times تابىس پەن جەڭىس تىلەيدى!
ىزىڭداپ ۇشقان مىناۋ ءبىزدىڭ ماسا،
ساپ-سارى، اياقتارى ۇزىن ماسا:
وزىنە بىتكەن ءتۇسى وزگەرىلمەس،
دەگەنمەن قارا، ياكي قىزىل ماسا.
ۇستىندە ۇيىقتاعاننىڭ اينالا ۇشىپ،
قاققى جەپ، قاناتتارى بۇزىلعانشا،
ۇيقىسىن از دا بولسا بولمەس پە ەكەن،
قويماستان قۇلاعىنا ىزىڭداسا؟!
احمەت بايتۇرسىنۇلى «ماسا» ولەڭىنەن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى