اقش قارجى ءمينيسترى منۋچين ەكى كۇن بۇرىن مالىمدەمە جاساپ، اقش پەن قىتاي اراسىنداعى قازىرگى ساۋدا قاتىناسى تۋرالى پىكىرلەرىمەن ءبولىستى. ونىڭ ايتۋىنشا، امەريكالىق كومپانيالار قىتاي نارىعىندا ءادىل باسەكە ورايىنا يە بولا الماسا، بۇل ەكى ەلدىڭ دە ەكونوميكالىق قۇلدىراۋىنا الىپ كەلۋى مۇمكىن.

بىلتىر جىل سوڭىنا قاراي اقش پەن قىتاي جاڭا ساۋدا كەلىسىمىن جاساسقان بولاتىن. كەلىسىمگە ساي قىتاي ءوز نارىعىندا امەريكالىق تاۋارلار مەن قىزمەت وتەۋ كاسىپتەرىنە مۇمكىندىك بەرۋگە مىندەتتى. مينيستر منۋچين Bloomberg جانە Invesco كومپانيالارى ۇيىمداستىرعان شاراداعى مالىمدەمەسىندە، قىتايدى اتالعان ۋادەسىندە تۇرادى دەپ سەنەتىنىن جەتكىزدى.

ونىڭ پايىمداۋىنشا، ەگەر قىتاي ءوز نارىعىندا امەريكالىق كاسىپكەرلەر مەن كومپانيالارعا ءادىل باسەكە مۇمكىندىگىن بەرسە، بۇل ەكى ەلدىڭ ەكونوميكالىق ءوسىمى ءۇشىن دە وتە پايدالى. ەگەر قىتاي باياعى ادەتىنە باسىپ، نارىقتا ءوز كومپانيالارىنا باسىمدىق بەرەتىن بولسا وندا بۇل ساۋدا قاتىناسىنا كەرى اسەر ەتىپ، ساۋدا سوعىسى مەن سانكتسيا جالعاسا تۇسەدى.

ال، پرەزيدەنت ترامپ وتكەن اپتاداعى مالىمدەمەسىندە، اقش پەن قىتاي اراسىنىڭ «بايلانىستى ءۇزۋ» ماسەلەسىن قاراستىرۋى بەك مۇمكىن ەكەنىن دە ەسكەرتكەن. ول ءوزىنىڭ «تۆيتتەرىندە»: «قانداي جاعداي بولماسىن، اقش-تىڭ قىتايعا باعىتتالعان ساياسي ۇستانىمىن وزگەرمەيدى»، – دەگەن بولاتىن.

“The Qazaq Times”