يزرايل پوليتسياسى پالەستينالىق ايەلدى ءولتىردى

يزرايل پوليتسياسى شىعىس يەرۋساليمدە پالەستينالىق ءبىر ايەلدى «پىشاقپەن شابۋىلدادى» دەگەن قاۋەسەتپەن ءولتىردى. بۇل تۋرالى trt.net حابارلادى.
جەرگىلىكتى اقپارات كوزدەرى قازا تاپقان ايەلدىڭ 49 جاسار سيحام راتەب نيمير ەكەنىن اتاپ كورسەتتى.
وقيعانىڭ ارتىنان يزرايل پوليتسياسىنىڭ قورشاۋعا العانى جانە ءمايىتتىڭ قاسىنا قىسقا ۋاقىت ەشكىمدى جاقىنداتپاعانى بايقالدى.
شىعىس يەرۋساليم جانە باتىس شەريا 1967 جىلدان بەرى ءيزرايلدىڭ باسقىنشىلىعىندا.
يزرايل كۇشتەرى كەيدە «شابۋىل جاساعانىن العا تارتىپ» پالەستينالىقتاردى اتۋدا.
ادام قۇقىقتارى ۇيىمدارى يزرايل كۇشتەرىن «كوشەنىڭ ورتاسىندا سوتتاماي جازالاۋمەن» ايىپتاۋدا.

“The Qazaq Times”