شۋ ستانساسىنداعى ەكى قىتاي جولاۋشى: كوروناۆيرۋس كۇدىگىنە تەكسەرىس

جامبىل وبلىسىنىڭ شۋ تەمىر جول ستانتسياسىندا كوروناۆيرۋس جۇقتىردى دەگەن كۇدىكپەن ەكى قىتاي ازاماتى پويىزدان ءتۇسىپ، اۋرۋحاناعا جەتكىزىلدى.

شۋ قالالىق اكىمدىگىنىڭ ءباسپاسوز قىزمەتىنىڭ مالىمەتىنىڭشە، دارىگەرلەردىڭ تەكسەرۋىنەن كەيىن، ەكى جولاۋشىنىڭ دەنى ساۋ ەكەنى انىقتالعان. بۇعان دەيىن جەلىدە WhatsApp مەسسەندجەرى ارقىلى شۋ قالاسىنىڭ ۆوكزالىندا كوروناۆيرۋس جۇقتىردى دەگەن كۇدىكپەن پويىزدىڭ توقتاتىلعانى تۋرالى مالىمەت تاراعان بولاتىن.

شۋ قالالىق ورتالىق اۋداندىق اۋرۋحاناسىنىڭ باس دارىگەرىنىڭ سوزىنشە، 29 قاڭتاردا سارىاعاش - استانا باعىتىندا جۇرەتىن №86 پويىزدان تۇسىرىلگەن قىتاي ازاماتتارىنان ەشقانداي ۆيرۋس بەلگىلەرى انىقتالماعان. سونداي-اق مامان اۋدان تۇرعىندارىنان دۇرلىكپەۋىن سۇرادى.

بۇگىنگى تاڭدا بەلگىلى اقپارات بويىنشا قىتايدا كوروناۆيرۋستان قازا تاپقانداردىڭ رەسمي تۇردە راستالعان سانى 132-گە جەتتى. ال ارقانداي بەيرەسمي، كۋاگەر اقپارات كوزدەرى اۋرۋعا شالدىققاندار مەن ىندەتتەن كوز جۇمعاندار سانى ايتارلىقتاي كوپ دەسەدى.

"The Qazaq Times"