اكادەميك ومىرزاق ايتبايۇلى. فوتو: اشىق دەرەككوز

ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ كەشە فيلولوگيا عىلىمدارىنىڭ دوكتورى، قر ۇلتتىق عىلىم اكادەمياسىنىڭ اكادەميگى، قر الەۋمەتتىڭ عىلىمدار اكادەمياسىنىڭ اكادەميگى، حالىقارالىق «قازاق ءتىلى» قوعامىنىڭ پرەزيدەنتى، تەرمينولوگ ومىرزاق ايتبايۇلى قايتىس بولعانىن ايتتى. 

ومىرزاق ايتبايۇلى ايتباەۆ 1936 جىلى 5 ساۋىردە وڭتۇستىك قازاقستان وبلىسى قازىرگى وتىرار اۋدانى بالتاكول اۋىلىندا دۇنيەگە كەلەگەن.

بۇرىنعى س.كيروۆ اتىنداعى قازاق مەملەكەتتىك ۋنيۆەرسيتەتىن ء(ال-فارابي اتىنداعى قازاق ۇلتتىق ۋنيۆەرسيتەتى) تامامداعان. فيلولوگيا عىلىمىنىڭ دوكتورى، پروفەسسور، قر عىلىم اكادەمياسىنىڭ كوررەسپوندەنت-مۇشەسى، قر الەۋمەتتىك عىلىمدار اكادەمياسىنىڭ اكادەميگى.

1959-1962 جىلدارى - «سوتسياليستىك قازاقستان» گازەتىنىڭ ادەبي قىزمەتكەرى. 1962-1999 جىلدارى - قازاقستان عىلىم اكادەمياسى ءتىل ءبىلىمى ينستيتۋتىنىڭ كىشى، اعا عىلىمي قىزمەتكەرى، ءبولىم مەڭگەرۋشىسى، اعا، باس عىلىمي قىزمەتكەرى. 1995-1996 جىلدارى - قازاق مەملەكەتتىك قىزدار پەداگوگيكالىق ينستيتۋتىنىڭ پروفەسسورى. 1997-1998 جىلدارى - ق.ا.ياسساۋي حالىقارالىق قازاق-تۇرىك ۋنيۆەرسيتەتىنىڭ پروفەسسورى. 1999 جىلدان - «قاينار» ۋنيۆەرسيتەتىنىڭ قازاق ءتىلى جانە ادەبيەت فاكۋلتەتىنىڭ، فيلولوگيا فاكۋلتەتىنىڭ دەكانى، قازاقستان رەسپۋبليكاسىنىڭ ءبىلىم جانە عىلىم مينيسترلىگى ءتىل ءبىلىمى ينستيتۋتىنىڭ تەرمينولوگيالىق ورتالىعىنىڭ ديرەكتورى قىزمەتتەرىن اتقارعان.   ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، حالىقارالىق «قازاق ءتىلى» قوعامىنىڭ پرەزيدەنتى. «قۇرمەت»، «پاراسات» وردەندەرىمەن ماراپاتتالعان.

ءو.ايتبايۇلىنىڭ عىلىمي زەرتتەۋلەرى، شىعارعان كىتاپتارى، قوعامدىق قىزمەتى تۋرالى ارىپتەستەرى تاراپىنان الدەنەشە رەت ءباسپاسوز بەتتەرىندە جىلى لەبىزدەر، جاعىمدى پىكىرلەر ايتىلدى، ال انشىلىك-دومبىراشىلىق  ونەردەگى قىرلارىن ونەرتانۋشىلار اسا جوعارى باعالادى.

ءو. ايتبايۇلىنىڭ عىلىمي-زەرتتەۋ، تالىمگەرلىك-ۇستازدىق، قوعامدىق قىزمەتىندە ءالى دە مول ەڭبەكتەر بەرەرى ءسوزسىز. اكادەميكتىڭ ديدارعايىپ اڭگىمەسىن مىنا سىلتەمەدەن كورىپ تىڭداۋعا بولادى.

اكادەميكتىڭ قازاسىنا بايلانىستى رەداكتسيا اتىنان مارقۇمنىڭ تۋىستارى مەن وتباسى مۇشەلەرىنە قايعىرا كوڭىل ايتامىز.

"The Qazaq Times"