لوندوندا ساۋد ارابياسىنا قارسى شەرۋ ءوتتى

ۇلىبريتانيانىڭ استاناسى لوندون قالاسىنىڭ تۇرعىندارى شەرۋ وتكىزۋ ارقىلى ساۋد ارابياسى رەجيمىنىڭ يەمەنگە قارسى شابۋىلدارىن ايىپتادى. بۇل تۋرالى فارس ءباسپاسوزى حابارلادى.

نارازىلار ۇلىبريتانيانىڭ استاناسىندا ۇراندار ايتىپ، ساۋد ارابياسى رەجيمىنىڭ يەمەنگە شابۋىلدارىن دوعارۋدى تالاپ ەتىپ، يەمەندىك اسكەري ەمەس ازاماتتاردى ءولتىرۋدى اقتاۋعا بولمايتىن ءىس دەپ ايىپتادى. لوندون تۇرعىندارى سونداي-اق ۇلىبريتانيا مەن وزگە اراب ەلدەرىنىڭ ساۋد ارابياسىنا قارۋ- جاراق ساتۋىن ايىپتاپ، وسى شارانى قايتادان قاراۋدى تالاپ ەتتى.

ساۋد اۋلەتى رەجيمى 2015 جىلدى ناۋرىز ايىنان اقش پەن بىرلەسىپ ايماقتاعى كەيبىر اراب ەلدەرىنىڭ دەمەۋشىلىگىمەن يەمەنگە شابۋىل جاساپ، وسى ەلدىڭ وتستاۆكاداعى پرەزيدەنتى ابد راببۋ مانسۋر ءحاديدى بيلىككە قايتارۋدى كوزدەپ وتىر.

ساۋد ارابياسىنىڭ يەمەنگە جاساعان شابۋىلدارى سالدارىنان شامامەن 11 مىڭ ادام قازا بولىپ، كەم دەگەندە 3 ميلليون ادام بوسقىنعا اينالعان.        بۇعان قوسا وسى ەلدىڭ ينفراقۇرىلىمدىق نىساندارىنا زور شىعىن كەلتىرىلدى.

“The Qazaq Times”