زاعيپ جاندارعا ارنالعان اقىلدى ساعاتتار

الەمدە 285 ميلليوننان استام كوز اۋرۋلارىنا شالدىققان جانە دۇنيەنىڭ جارىعىن كورۋدەن قاعىلعان جاندار بار ەكەن. ولار كۇن سايىن قاراپايىم ادام توزگىسىز سىناقتار مەن تۇرمىستىق قيىندىقتارعا تاپ بولىپ جاتادى. ال تەحنولوگيانىڭ دامۋى سونداي جانداردىڭ ءومىرىن جەڭىلدەتۋگە ءبىر سەپتىگىن تيگىزىپ جاتقانى قۋانتادى، ارينە. 

وڭتۇستىك كورەيالىق عالىمدار زاعيپ جاندارعا ارنالعان ارنايى The Dot قولساعاتىن جاساپ شىعاردى. بۇل - اقپاراتتى ارنايى 4 ۇياشىق ارقىلى بەرىپ وتىراتىن، الەمدەگى تۇڭعىش قولساعاتتار.  قاراپايىم ساعاتتار سەكىلدى فۋنتسيالاردى جۇزەگە اسىرا وتىرىپ، جىلدامدىقتى باقىلايتىن باپتاۋلارمەن دە جابدىقتالعان.

The Dot (نۇكتە) كەز-كەلگەن سمارت ساعاتتار سەكىلدى سمارتفوندارعا Bluetooth ارقىلى جالعانىپ،  حاتتار مەن قاجەتتى دۇنيەلەردى وقۋعا مۇمكىندىك بەرەدى. ياعني، تەك ۋاقىت كورسەتۋ ءۇشىن ەمەس، ارنايى سماترفوننىڭ دا قىزمەتىن اتقارادى دەسەك بولادى. قولدانۋشىلارعا جانىنداعى باتىرمالاردى پايدالانا وتىرىپ سمس جىبەرۋگە، ءماتىن تەرۋگە دە مۇمكىندىكتەر قاراستىرىلعان.  وسى ۋاقىتقا دەيىن تەك دىبىستىق حابارلامالار ارقىلى اقپارات الۋ مۇمكىن بولسا، بۇگىندە قاراپايىم ادامدارمەن تەڭ دارەجەدە اقپارات الماسۋعا بولادى.

فوتو: afigenchik.ru

The Dot ساعاتتارىن تولىق قۇقراستىرىپ جاساۋ ءۇشىن ءۇش جىل ۋاقىت كەتكەن ەكەن.  بۇگىندە ونى 140 مىڭنان استام ادام  پايدالانادى. وسى جىلى بۇل قۇرىلعىلاردىڭ 100 000 داناسىن جاساپ شىعارۋ جوسپاردا بار.

«The Qazaq Times»