عالىمدار مارستا كارتوپ وسەتىندىگىن دالەلدەدى

ناسا عالىمدارى اگروزەرتتەۋ  ورتالىعىنىڭ  ماماندارىمەن بىرلەسە وتىرىپ مارستاعى جاعىدايعا ۇقساس  ارنايى زەرتحانادا كارتوپ وسىرۋگە بايلانىستى تاجىريبەنى ءساتتى اياقتادى دەپ حابارلايدى Phys.org.

پەرۋدەگى استروبيولوگ حۋان ۆالديۆيا-سيلۆا (Juan Valdivia-Silva): ء"دال مارستاعى جارىق، جىلۋ، توپىراقتىڭ قۇرامىنا ۇقساتىپ، دايىندالعان CubeSat -تا كارتوپ ءوسىپ شىعۋى - مارستا دا وسىمدىك وسەدى دەگەن بولجامدى راستاپ وتىر. ءبىز بۇل تاجىريبەنى كورتوپتىڭ ناقتى قاي ءتۇرى مارستا جاقسى وسەتىندىگىن انىقتاۋ ءۇشىن بىرنەشە مارتە قايتالايتىن بولامىز" - دەپ، مالىمدەدى.

زەرتتەۋ جۇمىستارىنىڭ باستالعاندىعى جايلى ناسا وتكەن جىلدىڭ باسىندا مالىمدەگەن بولاتىن. تاجىريبە بارىسىندا مارستاعى اتموسفەرا، قىسىم مەن تۇقىمنىڭ قۇرامى سەكىلدى ماڭىزدى ەلەمەنتتەردى ەسكەرە وتىرىپ CubeSat  قۇراستىرىلعان،. ال وسى قۇرىلعىنىڭ ىشىندە بۇگىندە كارتوپ ءوسىپ شىققاندىعىن جەكىزۋدە.

فوتو: International Potato Center

بۇل تانىمال ەندي ءۋيردىڭ  رومانىنىڭ جەلىسىمەن تۇسىرىلگەن "مارسيانين" فيلمىندەگى وقيعانىڭ راس بولۋى مۇمكىن دەگەن بولجامدى دا راستاپ وتىر. فيلمدە مارك ۋوتني اتتى عارىشكەردىڭ مارسقا ساپارىندا اپاتقا ۇشىراپ، قۇتقارۋشىلار كەلىپ جەتكەنشە ارنايى جىلىجاي جاساپ، كارتوپ ءوسىرىپ، ءومىر سۇرۋىنە تۋرا كەلگەندىگى جايلى باياندالادى.

“The Qazaq Times”