ۇلىبريتانيا گونكونگقا قاتىستى قىتاي-بريتان دەكلاراتسياسىنداعى ەرەجەلەر ورىندالمايتىن بولسا، سوڭى اۋىر سالدارعا اكەپ سوقتىراتىنىن ايتىپ، قىتايعا ەسكەرتۋ جاسادى.
"ۇلىبريتانيا 1984 جىلى ء"بىر مەملەكەت - ەكى جۇيە" پرينتسيپىنە نەگىزدەلگەن حالىقارالىق شارتقا قول قويعان بولاتىن. وندا گونكونگ حالقىنىڭ بوستاندىق قاعيدالارى بەكىتىلگەن. ەگەر وسى حالىقارالىق زاڭدىق كۇشى بار كەلىسىم ورىندالماسا، قىتاي ءۇشىن سوڭى جاقسى بولمايدى. بريتانيا بۇرىنعى بريتان كولونياسىنداعى ادامداردى قولدايدى ", - دەدى ۇلىبريتانيا سىرتقى ىستەر ءمينيسترى دجەرەمي حانت.
كەشە، 1 شىلدەدە گونكونگتا نارازىلىققا شىققاندار پارلامەنت عيماراتىن باسىپ الدى. الايدا، گونكونگ پوليتسياسى كوز جاساۋراتاتىن گاز پايدالانىپ، ەرەۋىلگە شىققانداردى تاراتقان بولاتىن.
ايتا كەتەيىك، گونكونگتىڭ ميلليونداعان تۇرعىنى ءبىر ايدان بەرى گونكونگ ازاماتتارىن ەكستراديتسيالاۋ تۋرالى زاڭ جوباسىنا قارسى نارازىلىق شەرۋىن وتكىزىپ كەلەدى.
ەكستراديتسيا تۋرالى كەلىسىم ديالوگى 20 جىلدان بەرى جالعاسىپ كەلەدى. الايدا تاراپتار ناقتى كەلىسىمگە كەلگەن جوق. ەندى نارازىلىققا شىققاندار باسقارۋشى كەرري لامنىڭ قىزمەتتەن كەتۋىن، ەكستراديتسيالاۋ تۋرالى زاڭ جوباسىن قاراۋدى كۇن تارتىبىنەن تۇبەگەيلى الىپ تاستاۋدى، قاماۋعا الىنعان بەلسەندىلەردى بوساتۋدى تالاپ ەتۋدە.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟