تيتاندى زەرتتەۋگە ارنالعان Dragonfly اپپاراتى; فوتو: nasa.gov

ءساتۋرننىڭ ەڭ ءىرى سپۋتنيگى تيتاندى زەرتتەۋ ماقساتىندا NASA اگەنتتىگى Dragonfly عارىش اپپاراتىن جىبەرمەكشى.

Dragonfly عارىش اپپاراتى تيتانداعى ورگانيكالىق زاتتاردى زەرتتەۋگە، ونداعى ءومىر سۇرۋگە مۇمكىندىكتىڭ بار جوعىن انىقتاپ، بۇعان دەيىنگى تىرشىلىكتىڭ جانە قازىرگى جاعدايىن كورسەتەتىن حيميالىق ماركەرلەردى ىزدەۋگە مۇمكىندىك بەرەتىن قۇرالدارمەن جابدىقتالعان.

NASA اگەنتتىگىنىڭ ديرەكتورى دجەيمس برايدەنستايننىڭ ايتۋىنشا، ءساتۋرننىڭ ەڭ ءىرى سپۋتنيگىن زەرتتەيتىن Dragonfly عارىش اپپاراتى تيتان اتموسفەراسىنىڭ 160 كم-دان  استام قاشىقتىعىن قامتيتىن العاشقى پيلوتسىز ۇشۋ اپپاراتى بولماق.

سونداي-اق، جوسپار بويىنشا، Dragonfly عارىش اپپاراتى ءساتۋرننىڭ ەڭ ءىرى سپۋتنيگىنە 2026 جىلى جىبەرىلەدى، ال 2034 جىلى تيتانعا جەتەدى دەپ كۇتىلۋدە.

ايتا كەتۋ كەرەك،  تيتان سپۋتنيگى جەر پلانەتاسىنا وتە ۇقساس بولعاندىقتان، جەر پلانەتاسىنداعى ءومىردىڭ قايلاي پايدا بولعاندىعىن زەرتتەۋگە مۇمكىندىك بەرەدى دەيدى عالىمدار.

"The Qazaq Times"