وباما 2020 جىلعا كۇن سالىپ تۇر.
 «‹عالامشار ۋاقىت گازەتىنىڭ› اقش – تاعى ارنايى ءتىلشىسى جاڭ پىڭحوي حابارلايدى» دەپ جازادى world.Huanqiu سايتى. «اقش-تا وبامانىڭ ەكىنشى داۋرەنى كەلە جاتىر ما؟ » پرەزيدەنتتىكتەن كەتكەنىنە ەكى اي ۋاقىت بولا قويماعان وبامانىڭ بيلىككە قايتا كەلۋى جونىندە حابار-وشارلار شىعا باستادى. اقش-تىڭ «ەل كەڭەسى گازەتى» وباما بيلىكتەگى كەزدەگى ادىلەت مينتسترى الەك ۋورد: «ول (وباما) مىنبەدە ءتىپتى دە كوپ سويلەۋگە ساقاداي-ساي، وتكەن جىلى دەموكراتياشىلدار پارتياسىنىڭ توراعالىعىن اتقارعىسى كەلەتىنىن ايتقان، جانە وسى پارتيا مۇشەلەرىنىڭ قارىم-قاتىناسى جونىندە كوپتەگەن ىستەر جونىندە كەڭەسكەنبىز» دەپ مالىمدەگەنىن حابارلادى.
وبامانى قولداۋشىلاردىڭ سانى ازايىپ كورگەن جوق. قاشان دا 55%-دان تومەن داۋىس جيناپ كورمەگەن وبمانىڭ پرەزيدەتتىكتىڭ ەكىنشى مەرزىمىندە قولداۋشىلاردىڭ سانى وسىلايشا ەڭ جوعارى كورسەتكىشىتى كورسەتكەن ەدى. 2016 جىلى جەلتوقىساندا، مىندەتىنە قوش ايتۋدىڭ از-اق الدىندا تۇرعان وباما تىلشىلەرگە، ەگەردە اقش -تا ءبىر پرەزيدەنت ءۇزىلىسسىز ءۇش رەت سايلانا الاتىن بولسا، ءوزىن ءۇشىنشى رەت تە پرەزيدەنتتىككە ۇسىنىپ، ترامپتى تىرپ ەتكىزبەيتىنىن، ءوزىنىڭ ساياسي باعىت-باعدارىن قولداۋشىلاردىڭ كوپ ەكەنىنە سەنەتىنىن ايتقان ەدى. الدا-جالدا وسىلاي بولعان بولسا، وندا ترامپ جەڭىلىپ، ول ءۇمىتىن تەك كەلە جاتقان 2020 جىلعا ارتاتىن ەدى.
الايدا، اقش-تىڭ اتا زاڭىنىڭ 22-بابىندا «مەيلى كىم بولسا دا، ءوزىن پرەزيدەنتتىككە ءۇزىلىسسىز ەكى-اق رەت ۇسىنا الادى» دەپ بەلگىلەنگەن. سونىمەن، وباما ءوزىن ءۇشىنشى رەت سايلاۋعا مۇمكىندىك الا الماعان دا، تەك ۇمىتكەرلەرگە داۋىس بەرۋ ۇقىعىنان عانا يگىلىكتەنگەن.
ال، 2020 جىلى وباما پرەزيدەنت بولعىسى كەلمەسە، وندا دەموكراتتار پارتياسى كىمدى پرەزيدەنتتىككە كورسەتەدى دەگەن سۇراق اياسىندا «ەل كەڭەسى گازەتى» دەموكراتتار پارتياسىنىڭ سەناتورلارى ۋاررەن، ساندەرس قاتارلى ادامداردىڭ سوزدەرىنەن سيتات كەلتىرىپ، 2020 جىلى اتالعان پارتيا حيللاري مەن بۇرىنعى پرەزيدەنت ورىنباسارى بولعان بيدەندى پرەزيدەنتتىككە ۇسىنادى دەپ جازدى. ال، عالامتوردا بۇرىنعى ءبىرىنشى حانىم ميچەلل (Michelle) دە پرەزيدەنتتىكتەن باعىن سىناۋى مۇمكىن، ويتكەنى ونىڭ كىسىلىك بەت-بەدەلى وبامادان دا بيىك. ءتىپتى، كوركەم ءسوزدىڭ كوسەمى سانالعان جۇرگىزۋشى وپراح (Oprah) تا ا ش كوشباسشىسى بولۋعا تالپىنۋى مۇمكىن دەگەن ايتىلىمدار كوپ.
ادىلەت احمەتۇلى
“The Qazaq Times”