رەسەي تۇركياعا ەكىنشى قورعانىس تەحنيكانى ساتىپ بەرۋگە داين. كرەملدىڭ ءباسپاسوز حاتشىسى دميتري پەسكوۆ رەسەيدىڭ تۇركيامەن S-400 زىمىران قورعانىس جۇيەسى تۋرالى جاڭا كەلىسىم جاساۋعا دايىن ەكەنىن جەتكىزدى.

وسىدان بۇرىن تۇرىك ءسىم باسشىسى مەۆلۋت شاۆۋشوعلۋ رەسەيگە جاساعان ساپارى كەزىندە تۇركيانىڭ رەسەيلىك S-400 قورعانىس جۇيەسىنەن تاعى بىرەۋىن ساتىپ الۋ جوسپارىنىڭ بار ەكەنىن ايتقان. كرەمل وكىلى رەسمي مالىمدەمەسىندە رەسەي تارابىنىڭ قورعانىس تەحنيكاسىن ساتۋ-ساتىپ الۋدىڭ ەكىنشى كەلىسىمىن جاساۋعا دايىن ەكەنىن ايتتى.

«رەسەي تارابى اتالعان ىنتىماقتاستىقتى دامىتۋ ءۇشىن مۇمكىندىكتەردى قاراستىرۋدا. ارينە، بۇل قالىپتى ىنتىماقتاستىق قادامى»، – دەيدى دميتري پەسكوۆ.

تۇركيالىق «انادولى» اقپاراتتىق اگەنتتىگىنىڭ حابارىنا قاراعاندا، تۇركيا ۇكىمەتى F-35 ۇشاقتارىنىڭ ماسەلەسى تۋرالى دا ءبىر شەشىمگە كەلگەن. ەگەر قۇراما شتاتتار تۇركياعا جەتكىزىلۋى ءتيىس جاۋىنگەرلىك ۇشاقتاردى توقتاتاتىن بولسا، وسىعان بالاما رەتىندە وزگە ەلدەن ۇشاقتار ساتىپ الۋعا دايىن ەكەنىن بىلدىرگەن.

 “The Qazaq Times”