Photo: 24kg

بىشكەكتىڭ الا-توو الاڭىندا قىتايلىق ەكسپانسياعا قارسى ميتينگ ءوتىپ جاتىر. العاشىندا، ەرەۋىل ۇيىمداستىرۋشىسى امانبول باباكۋلوۆ بىرنەشە تالاپ قويعان بولاتىن، الايدا نارازىلىق اكتسياسى بارىسىندا حالىقتىڭ تالاپتارى كوبەيە ءتۇستى.

اتاپ ايتقاندا، حالىقتى باقىلاۋدى جۇزەگە اسىرۋ، قىتايلىق ازاماتتار ءۇشىن ۆيزانىڭ سانىن قىسقارتۋ، قىتايدان الىنعان نەسيەلەردى تەكسەرۋ جانە قانشالىقتى ءتيىمدى ەكەنىن انىقتاۋ. ءتيىمسىز بولعان جاعدايدا ارنايى كوميسسيا قۇرىپ، اقشانىڭ قايدا كەتكەنىن ناقتىلاۋ.

سونداي -اق، ولار قىرعىز قىزدارىنىڭ شەتەلدىككە تۇرمىسقا شىعۋىنا تىيىم سالۋدى تالاپ ەتتى. تۇرمىس قۇرعان جاعدايدا، ەرلى-زايىپتىلار ايىپپۇل تولەۋى ءتيىس دەگەندى العا تارتتى. سونىمەن بىرگە، پاسپورتتاعى "ۇلتى" دەگەن باعاندى قايتارۋدى تالاپ ەتتى.

ەندى جوعارىدا ايتىلعان تالاپتىڭ بارلىعى جازىلىپ، جوعارى كەڭەستىڭ دەپۋتاتتارىنا جىبەرىلمەك.

ايتا كەتەيىك، بۇعان دەيىن دە، ياعني، 7 - قاڭتار كۇنى قىرعىزستان استاناسىنىڭ ورتالىعىندا 200-دەن استام ادام نارازىلىق شەرۋگە شىققان ەدى.

"The Qazaq Times"