جەكسەنبى كۇنى كاتار استاناسىندا اقش-تىڭ باس حاتشىسى مايك پومپەو مەن كاتاردىڭ سىرتقى ىستەر ءمينيسترى مۇحاممەد بەن ابدۋرراز ءال تاني امەريكالىق اۋە بازالارىن كوبەيتۋ تۋرالى كەلىسىمگە قول قويدى.
«اقش پەن كاتار اراسىنداعى بايلانىستىڭ ىرگەتاسى نىقتاپ قالانىپ كەلەدى. ءبىزدىڭ مەملەكەتتەر ستراتەگيالىق قاتىناسقا ساپالى قادام جاسادى»، دەپ مالىمدەگەن كاتار سىرتقى ىستەر ءمينيسترى مۇنىڭ وڭ باستاما ەكەندىگىن العا تارتىپ وتىر.
قازىرگى تاڭدا اقش-تىڭ كاتارداعى اسكەري كۇشتەر بازاسى ءسۇريا، يراك جانە اۋعانستان ىشىندە جۇرگەن 10 مىڭعا جۋىق امەريكالىق ساربازداردى بارلاۋ جانە ورتالىق باسقارۋ ورىنى بولىپ تابىلادى.
بۇدان ءبىراز ۋاقىت بۇرىن كاتار بيلىگى ءال-ۋدەيدتى اقش-تىڭ تۇراقتى اسكەري بازاسى رەتىندە تىزىمە ەنگىزۋدى جوسپارلاپ وتىرعاندىعىن مالىمدەگەن بولاتىن.
ەستەرىڭىزگە سالا كەتەيىك، اقش اسكەريلەرى كوپتەپ شوعىرلانعان ايماقتاردىڭ بارلىعى سۇراپىل سوعىس پەن ەكونوميكالىق داعدارىسقا ۇشىراپ جاتقاندىعى بەلگىلى. بۇل سوزىمىزگە ۇزاق ۋاقىتتان بەرى تىنىشتىقتى اڭساعان اۋعانستان مەن يراك ەلدەرىنىڭ جاعدايى دالەل. سونىمەن قاتار، 2012 جىلدان باستاپ اقش اسكەرى كىرگەن ءسۇريا مەملەكەتى دە سۇرەڭسىز جاعدايلارعا تاپ بولدى. ەندى، ەكونوميكاسى دامىپ كەلە جاتقان كاتار مەملەكەتىنە بايلانىستى اقش-تىڭ جوسپارى قانداي ەكەندىگى ازىرگە بەلگىسىز. الايدا، قارۋ-جاراق ساۋداسىمەن اينالىسىپ كەلە جاتقان امەريكالىقتاردىڭ بۇل ورىندا دا بۇلىك شىعارماۋىنا ەشكىم كەپىلدىك بەرمەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟