فوتو: interfax.ru

تۇركيا پرەزيدەنتى رەجەپ تايپ ەردوعاننىڭ تاپسىرماسى بويىنشا شەت ەلدەردەگى 25 تۇرىك ديپلوماتى اۋىستى. بۇل تۋرالى تۇركيانىڭ Resmi Gazete باسىلىمى مالىمدەپ وتىر. 

اتالعان اۋىس-تۇيىستەردىڭ اراسىندا رەسەي، ۋكراينا جانە وزبەكستان ەلىندەگى تۇرىك ەلشىسى بولعان ديپلوماتتار دا بار.

رەسەي فەدەراتسياسىنا تۇركيانىڭ جاڭا ديپلوماتيالىق وكىلى بولىپ مەحمەت سامسار تاعايىندالدى. بۇرىن اتالعان بۇل ورىندى حۇسەيىن لاپيز ديريوز باسقارعان  بولاتىن.

سونىمەن قاتار، كيەۆتەگى تۇرىك ەلشىسى يونەت جان تەزەلدىڭ ورنىنا شىعىس ەۋروپا بويىنشا سىرتقى ىستەر دەپارتامەنتىن باسقارعان ياگمۋر احمەت گيۋلدەرە تاعايىندالدى.

ال، وزبەكستان ەلىندەگى تۇرىك ەلشىسى احمەت باشار شەنا ءوزىنىڭ ورنىن تۇركيا بيلىگىنىڭ بارلاۋ جانە سەرىكتەستىك اگەنتتىگىن باسقارعان مەحمەت سۇرەيا ەرگە بوساتتى.

"The Qazaq Times"