وتانداسىمىز – ديماش قۇدايبەرگەنوۆ قىتايدىڭ حۋنان تەلەارناسىنداعى ء"انشى" جوباسىنىڭ 5-ءشى كەزڭىندە، امەريكالىق جۇلدىزدى ءانشى برۋنو مارستىڭ (Bruno Mars) Uptown Funk ءانىن ورىنداپ كورەرمەندەرىن تاعى ءبىر مارتە تاڭ قالدىردى.

Uptown Funk ءانى 2014-2015 جىلدارى باتىس الەمىندە حيت ءان بولىپ تاراعان. برۋنو مارستىڭ رەپەرتۋارىنداعى تانىمال اندەردىڭ ءبىرى. ءان بريتاندىق ءانشى كومپوزيتور مارك رونسون ( Mark Ronson) مەن برۋنو مارستىڭ شىعارماشىلىعىنان تۋعان. 2014 جىلى قاراشادا ءانشىنىڭ جيناق البومىندا العاش رەت جاريالانعان.

كەزەكتى تۋردا ديماش وزىنە تاپسىرىلعان ءاندى جوعارى دەڭگەيدە ورىنداپ شىقتى. ايتا كەتۋ كەرەك، بۇل رەتكى ديماشقا جۇكتەلگەن ءان ونىڭ ءان ورىنداۋ ستيلىندە جوق. ديماشتان وزگەشە ورىنداۋ شەبەرلىگىن تالاپ ەتەدى. Uptown Funk انىنە جالىندى، جىلدام قيمىلمەن ارلەۋ كەرەك ەكەنى تۇسىنىكتى. الايدا، ديماش ءان مەن كورەرمەن تالابىنان بىردەي شىعىپ، ءان ورىنداۋداعى ۇزدىك ناتيجەنى كورسەتتى.

قىتاي باسىلىمدارىنان ديماشتىڭ كەزەكتى ءان ورىنداۋى تۋراسىندا ءسۇيىنىشتى پىكىرلەر كورۋگە بولادى. ديماشتىڭ بويىنان بۇرىن بايقاماعان قىزۋقاندىلىقتى كورگەندەي بولدىق دەسەدى. ءتىپتى ۆيدەودان كورگەندەرىڭىزدەي ديماشتىڭ قولىنا تاققان ساقيناسىنىڭ ۇشىپ كەتۋى مەن كيىمىنىڭ شەشىلىپ كەتۋى دە كوپ سوزگە تيەك بولىپ جاتسا كەرەك. قىتاي باسىلىمدارى ديماش Uptown Funk انىمەن اۋديتوريانى شەكتەن تىس تولقىتىپ جىبەردى دەيدى.

“The Qazaq Times”