ديماش ءۇشىنىشى كەزەڭدە دە ۇزدىك ونەر كورسەتتى (ۆيدەو)

قىتايداعى ء"انشى" جوباسىنا قاتىسىپ جاتقان قازاقستان ءانشىسى ديماش قۇدايبەرگەن ءۇشىنشى كەزەڭدى تابىستى اياقتادى. بۇل جولى ديماش Queen توبىنىڭ "The Show Must Go On" ءانىن ورىنداعان ەدى. بايقاۋ قورىتىندىسى بويىنشا ول ءبىرىنشى ورىن الماعانىمەن، الدىڭعى ءۇش ۇزدىكتىڭ قاتارىنان كورىندى. جوباعا قىتايدىڭ تاڭداۋلى ونەرپازدارى قاتىسىپ جاتقاندىقتان، بۇل دا تومەن كورسەتكىش ەمەس. الدا، ءالى تالاي كەزەڭ بار.

ديماشتىڭ بۇل كەزەڭدە ايتقان ءانى دە قىتايلىق كورەرمەندەردى بەيجاي قالدىرعان جوق. ونىڭ تالانتىنا، ونەرىنە حالىق ءتانتى بولدى. جوباداعى ءبىر جاڭالىق – قاتىسۋشىلاردىڭ ءبىرى، 60 جاستاعى قىتاي ءانشىسى دۋ لي چا دەنساۋلىعىنا بايلانىستى جارىستان كەتىپ، ونىڭ ورنىنا قىتايعا تانىمال، ايگىلى انشىلەردىڭ ءبىرى جاڭ جيە كەلگەن. ول – ديماشقا باستى قارسىلاس بولادى دەپ كۇتىلگەن. الايدا، جاڭ جيە قازاق انشىسىنەن ءبىر ساتى تومەن، 4 ورىنعا تۇراقتادى. ال، ءبىرىنشى ورىندى، تان جين، ەكىنشى ورىندى جاۋ لي ەسىمدى انشىلەر يەلەنىپتى.

ديماش كەلەسى كەزەڭدە ۋينستون حيۋستوننىڭ ءانىن ايتاتىن بولادى. جاس تالانتقا اقجول تىلەيمىز.

ەستەرىڭىزگە سالا كەتسەك، ديماش وتكەن ءبىرىنشى, ەكىنشى كەزەڭدە توپ جارعان بولاتىن.