قىرعىزستان پرەزيدەنتى المازبەك اتامباۆ پەن وزبەكستاننىڭ جاڭا باسشىسى شاۆكات ميرزيەەۆ ەكى ەل اراسىنداعى تاۋار اينالىمىن ارتتىرۋعا مۇددەلى. قوس ەل پرەزيدەنتتەرى الداعى ەكى جىلدا ءوزارا تاۋار ايىرباس كولەمىن 500 ميلليون دوللارعا جەتەكىزۋگە ىنتالى. بۇل تۋرالى وزبەكستان پرەزيدەنتىنىڭ ءباسپاسوز قىزمەتىنە سىلتەمە جاساي وتىرىپ، «ازاتتىقتىڭ» قىرعىز قىزمەتى حابارلادى.

ءباسپاسوز بايانداماسىندا «ەكى ەل قاتىناسىنداعى ماڭىزدى باعىت – ساۋدا-ەكونوميكالىق ىنتىماقتاستىق ەكەنى ايتىلعان. سونىمەن بىرگە، وسى تاقىرىپتى تالقىلاۋدا ايتىلعانداي، ەكى ەل اراسىندا، بيىلعى جىلدىڭ تاۋار اينالىمى 23 پايىزعا ارتقان. الايدا، بۇل كورسەتكىش ءتيىستى دەڭگەيدە ەمەس جانە قوس ەل اراسىنداعى ناقتى تاۋار اينالىمى مۇمكىندىگىنە ساي كەلمەيدى» دەلىنگەن.

تاۋار ايىراسى كولەمىن ۇلعايتۋ ءۇشىن، وزەكستان پرەزيدەنتى شاۆكات ميرزيەەۆ، قىرعىزستانعا ءوز ەلدەرىندە وندىرىلگەن وسىزامانعى اۋىل شارۋاشىلىق تەحنيكالارى مەن جەڭىل جانە جۇك ماشينالارىن، اۆتوبۋستاردى جۇيەلى جەتكىزۋدى ۇيىمداستىرۋ كەرەكتىگىن اتاپ ءوتتى.

سونداي-اق، قىرعىزستاندىق ارىپتەستەرىنە ازوت، فوسفور، كالي جانە كۇردەلى كومپلەكستى تىڭايتقىشتار مەن ەلەكترتەحنيكا ونىمدەرىن جەتكىزۋدى ۇسىندى. ولاردىڭ قاتارىندا ترانسفورماتوردان تارتىپ، وتكىزگىش-كابەل ونىمدەرى جانە تۇرمىستىق تەحنيكا، دايىن توقىما، قۇرىلىس ماتەريالدارى، پرەپراتتار، جيھازدار مەن وقۋ-لابوراتوريا قۇرىلعىلارى باسقا دا وندىرىستىك ونىمدەر بار.

قىرعىز تارابى نومەنكلاتۋرانى قايتا قاراۋى مۇمكىن جانە قاجەتتى ونىمدەردى وزبەكستانعا جەتكىزۋ جاعىن ۇيىمداستىرادى.

وسى ماقساتقا وراي، ەكى ەل اراسىنداعى ءتيىستى قۇرىلىمداردىڭ ۇزاق مەرزىمدىك تىكەلەي ىنتىماقتاستىعىن ورناتۋ قاجەتتىگى ەسكەرىلدى.

«ەكونوميكالىق ىنتىماقتاستىقتىڭ ستراتەگيالىق باعىتى ايماقتاعى ءتيىمدى كولىك-قاتىناس ءدالىزىن دامىتۋ. بۇل تۇرعىدا، ورتالىق ازيانى قىرعىزستان ارقىلى قىتايمەن بايلانىستىراتىن قىسقا تەمىرجول جەلىسىن قۇرۋ، ءبىزدىڭ ەكى ەل اراسىنداعى عانا ەمەس، بۇكىل ايماقتاعى تاسىمال قۋاتىن ارتتىرادى» دەدى وزبەك باسشىسى.

سونداي-اق ول، وزبەكستان ماماندارى وسى ءدالىزدىڭ قىرعىزستان بولىگىندەگى جوبالانۋى مەن قۇرىلىس جۇمىسىنا قاتىسۋعا دايىن ەكەنىن ايتتى.

«The Qazaq Times»